കോഴിക്കോട്: വീട്ടിൽ നിന്നും പിണങ്ങിയിറങ്ങിയ കൗമാരക്കാരിയായ പെൺകുട്ടിയെ പിന്തുടർന്ന് ലൈംഗികാതിക്രമം നടത്തിയ സംഭവത്തിൽ വെള്ളരിക്കൽ സ്വദേശിയായ ഷൗക്കത്തലിയെ പോലീസ് അറസ്റ്റ് ചെയ്തു. വീട്ടിൽ നിന്നും പിണങ്ങിയിറങ്ങിയ പെൺകുട്ടിയെ തന്ത്രപൂർവ്വം വശത്താക്കിയാണ് ഇയാൾ അതിക്രമം നടത്തിയത്.
വീട്ടിൽ നിന്നിറങ്ങിയ പെൺകുട്ടിയെ പ്രതി ബസ്സിൽ പിന്തുടർന്നു. മാളിൽ എത്തിക്കാമെന്ന് വിശ്വസിപ്പിച്ച് പെൺകുട്ടിയെ ഓട്ടോയിൽ കയറ്റി. ഇതിനു ശേഷം വിവിധ സ്ഥലങ്ങളിൽ കൊണ്ടുപോയി ലൈംഗികമായി ഉപദ്രവിച്ചു. കുട്ടിയെ കാണാനില്ലെന്ന പരാതിയെ തുടർന്ന് വനിതാ പോലീസ് സ്റ്റേഷൻ എസ്.ഐ. തുളസിയുടെ നേതൃത്വത്തിലുള്ള സംഘം കോഴിക്കോട് വെച്ചാണ് പ്രതിയെ പിടികൂടിയത്.
പ്രതിക്കെതിരെ പോക്സോ (POCSO) വകുപ്പുകൾ ചുമത്തിയാണ് കേസെടുത്തിരിക്കുന്നത്. കോടതിയിൽ ഹാജരാക്കിയ ഷൗക്കത്തലിയെ നിലവിൽ റിമാൻഡ് ചെയ്തിരിക്കുകയാണ്.
