ഗോഹട്ടി: സന്തോഷ് ട്രോഫി ഫുട്ബോളില് അന്തിമ നാലിലെത്താന് കേരളം ഇന്ന് ആസാമിനെതിരെ. പ്രാഥമിക റൗണ്ടില് ഗ്രൂപ്പ് ബി ജേതാക്കളായി മുന്നേറിയ കേരളത്തിന് ഇന്ന് ആതിഥേയ ടീം എന്ന കടുത്ത വെല്ലുവിളിയാണ് മറികടക്കേണ്ടത്.
ഗ്രൂപ്പ് ഘട്ടത്തില് മികച്ച പ്രകടനം കാഴ്ച്ചവച്ച കേരളത്തിന് അഞ്ചില് മൂന്ന് മത്സരങ്ങള് വിജയിക്കാനായി. നിലവിലെ ജേതാക്കളായ പഞ്ചാബിനെയും മേഘാലയ, ഓഡീഷ ടീമുകളെയും തോല്പ്പിച്ചു. റെയില്വേസുമായി ഏറ്റുമുട്ടി സമനില പാലിച്ചപ്പോള് അവസാന മത്സരത്തില് സര്വീസസിനോട് പരാജയപ്പെട്ടു.
ഗ്രൂപ്പ് ബിയില് നിന്നും കേരളത്തിന് പിന്നില് രണ്ടാം സ്ഥാനക്കാരായി ക്വാര്ട്ടറിലെത്തിയ റെയില്വേസിന് എതിരാളികള് രാജസ്ഥാന് ആണ്. രാവിലെ ഒമ്പതിനാണ് ഇവര് തമ്മിലുള്ള മത്സരം. നിലവിലെ ജേതാക്കളായ പഞ്ചാബിന്റെ മത്സരവും രാവിലെ ഒമ്പതിനാണ്. തമിഴ്നാട് ആണ് എതിരാളികള്. കേരളം-ആസാം പോരട്ടത്തിന്റെ അതേ സമയത്ത് തന്നെയാണ് ഗ്രൂബ്ബ് ബി നാലാം സ്ഥാനക്കാരായ സര്വീസസ് ഗ്രൂപ്പ് എ ജേതാക്കളായ ബംഗാളിനെ നേരിടും.
വ്യാഴാഴ്ച്ചയാണ് സെമി ഫൈനല് മത്സരങ്ങള്. ഞായറാഴ്ച്ച ഫൈനലും.
