കൊച്ചി: മോഹന്ലാലിന്റെ മകള് വിസ്മയ തന്റെ ആദ്യ സിനിമയായ തുടക്കത്തില് മലയാളികളെ വിസ്മയിപ്പിക്കുമോ? ഇപ്പോള് പുറത്തിറങ്ങിയ ക്യാരക്ടര് പോസ്റ്ററില് വിസ്മയയുടെ വികാരപ്രകടനമാണ് മലയാളികളെ അമ്പരപ്പിച്ചത്. മോഹന്ലാലിന്റെ വിരല്ത്തുമ്പില് തൂങ്ങുന്ന പെണ്കുട്ടിയല്ല, ഒരു പക്വതയോടെ കഥാപാത്രത്തിലേക്ക് പകര്ന്നാടാന് അച്ഛനെപ്പോലെ മകള്ക്കും കഴിയുമെന്ന് ഈ പോസ്റ്റര് പറയുന്നു.
മക്കളെ കൈപിടിച്ച് മുന്നിൽ നിന്ന് തന്നെ ലോഞ്ച് ചെയ്യുന്ന നടനാണ് മോഹന്ലാല്. മകന് പ്രണവിന്റെ കാര്യത്തില് അത് നടന്നു. ഇപ്പോ വിസ്മയയുടെ കാര്യത്തിലും ലാലേട്ടൻ മുന്നില് നിന്ന് പ്രവര്ത്തിക്കുന്നു. യാതൊരു മറയും ജാഡയുമില്ലാതെ.
പക്ഷേ അച്ഛന് ഉണ്ടാക്കിത്തന്ന അവസരമുപയോഗിച്ച് വിസ്മയ ശരിയ്ക്കും കത്തിക്കയറുമെന്നാണ് പ്രതീക്ഷ. അതിന് ഉത്തരമാണ് വിസ്മയയുടെ ക്യാരക്ടര് പോസ്റ്റര്.
