തിരുവനന്തപുരം: മകള് ആവണി ഋതുമതിയായതിന്റെ ആഘോഷം നടി അഞ്ജലി നായര് സമൂഹമാധ്യമങ്ങളില് പങ്കുവെച്ചിരുന്നു. ഹിന്ദു പാരമ്പര്യമനുസരിച്ച് നടത്തിയ ആഘോഷത്തിന്റെ വീഡിയോകള്ക്കും ഫോട്ടോകള്ക്കും വലിയ സ്വീകരണമായിരുന്നു ലഭിച്ചത്.
അതിനിടെ എഴുത്തുകാരി വി.കെ. ഷാഹിന ഒരു വിദ്വേഷ പോസ്റ്റുമായി എത്തിയിരിക്കുകയാണ്. “ആര്ത്തവം തുടങ്ങിയത്രേ. ആഘോഷിക്കാതെ തരമില്ലല്ലോ. നാലാളെ അറിയിക്കണമല്ലോ. വെളിച്ചം കാണാത്തയിടങ്ങളില് രോമം വളര്ന്ന കാര്യം പന്തലുകെട്ടി നാലാളെ അറിയിക്കുന്ന കാലം തിരിച്ചുവരികയാണ്. വഴികാട്ടിയായൊരു വാരിക (മലയാള മനോരമയുടെ വനിത മാസിക) പരസ്യം ചെയ്യാനും. 21ാം നൂറ്റാണ്ടിലെ ഡാഷിലെ ആചാരങ്ങള്”- ഇതാണ് ഷാഹിന പങ്കുവെച്ച കുറിപ്പ്.
ഒരു ഹിന്ദു അമ്മ മതപരമായ രീതിയില് മകള് ഋതുമതിയായതിന്റെ ആഘോഷം നാലാളെ അറിയിച്ചാല് എന്താണ് തെറ്റ് എന്ന ചോദ്യമാണ് പലരും ഷാഹിനയ്ക്കെതിരെ ഉയര്ത്തുന്നത്. അതിനെ റിഗ്രെസ്സീവ് (പുരോഗമനപരമല്ലാത്തത്) എന്ന് വിളിക്കുന്നത് എന്തിനാണെന്നും ഷാഹിനെയോട് ചോദ്യം ഉയരുന്നു.
അഞ്ജലി നായരുടെ ആദ്യ വിവാഹത്തിലെ മകളാണ് ആവണി. എന്നാല് പിന്നീട് രണ്ടാമത് വിവാഹിതയായ അഞ്ജി നായര്ക്ക് ഒരു മകള് കൂടിയുണ്ട്. മകള് ഋതുമതിയായതിന്റെ ചടങ്ങ് നടത്തിയപ്പോള് അഞ്ജലി നായര് ഒരു കുറിപ്പ് കൂടി പങ്കുവെച്ചിരുന്നു:”എന്റെ ഡാര്ലിങ്ങ് സ്ത്രീത്വത്തിലേക്ക് കാലെടുത്ത് വെച്ചിരിക്കുന്നു. “. കൗമാരത്തിലേക്ക് കാലെടുത്തുവെച്ച ആവണിക്ക് നിരവധി പേരാണ് ആശംസകളുമായി എത്തിയത്. ഋതുമതിയായ് നീയെന് പൊന്മകളേ എന്ന തലക്കെട്ടില് മലയാള മനോരമയുടെ വനിത മാസിക ഇതേക്കുറിച്ച് കവര് സ്റ്റോറിയായി ഒരു ഫീച്ചര് പ്രസിദ്ധീകരിച്ചിരുന്നു.
ആവണി അഭിനയരംഗത്ത് തിളങ്ങുകയാണ്. അജയന്റെ രണ്ടാം മോഷണം, തമിഴ് നടന് സൂര്യ നായകനായ റെട്രോ എന്നീ സിനിമകളില് ആവണിയുടെ അഭിനയത്തിന് നല്ല കയ്യടി കിട്ടിയിരുന്നു.
