അബുജ: നൈജീരിയയിലെ മാര്ക്കറ്റിലുണ്ടായ വെടിവെപ്പില് 30 പേര് കൊല്ലപ്പെട്ടു. ഡെമോ ഗ്രാമത്തിലെ ദജി മാര്ക്കറ്റില് ശനിയാഴ്ച വൈകിട്ട് 4.30 ഓടെയാണ് സംഭവം. തോക്കുകളുമായെത്തിയവര് ആള്ക്കൂട്ടത്തിന് നേരെ വെടിയുതിര്ക്കുകയായിരുന്നു. നിരവധി പേരെ തട്ടിക്കൊണ്ടുപോയിട്ടുണ്ട്.
മോട്ടോര്സൈക്കിളിലെത്തിയ സംഘമാണ് ആക്രമണം നടത്തിയത്. ഇവര് ജനങ്ങള്ക്കു നേരെ വെടിയുതിര്ത്തശേഷം തോക്കുചൂണ്ടി സ്ത്രീകളും കുട്ടികളുമടക്കം നിരവധി പേരെ തട്ടിക്കൊണ്ടുപോയി.
ഇവിടെ നിന്നും ഭക്ഷണസാധനങ്ങളും പണവും മറ്റും മോഷ്ടിച്ചാണ് അക്രമികള് കടന്നത്. ഇവര്ക്കായി തെരച്ചില് നടത്തി വരികയാണെന്ന് നിഗര് സ്റ്റേറ്റ് പോലീസ് അറിയിച്ചു. കഴിഞ്ഞ ദിവസം അഗ്വാര ബൊര്ഗു എന്നിവിടങ്ങിളില് സുരക്ഷാ സൈന്യം തെരച്ചില് നടത്തിയിരുന്നു. ഇതുമായി ബന്ധപ്പെട്ടാണ് മാര്ക്കറ്റില് വെടിവെപ്പുണ്ടായതെന്നും പോലീസ് അറിയിച്ചു.
