തിരുവനന്തപുരം:കേരളത്തില് ഏഴ് പേരെ എടുത്താല് അതില് ഒരാള് മലപ്പുറം ജില്ലക്കാരനാണെന്നും 47 ലക്ഷം ജനസംഖ്യയുള്ള മലപ്പുറം ജില്ലയെ വിഭജിക്കണമെന്ന് സന്തോഷ് പണ്ഡിറ്റ്. മലപ്പുറത്തെ ആളുകള്ക്ക് നേരിട്ട് വികസനവും മറ്റും എത്തണമെങ്കില് മലപ്പുറത്തെ രണ്ടാക്കണം. തിരൂര് ജില്ലയെ കേന്ദ്രമാക്കി ഒരു ജില്ല വരണം. – ഫെയ്സ്ബുക്കില് പങ്കുവെച്ച കുറിപ്പില് സന്തോഷ് പണ്ഡിറ്റ് പറയന്നു.
മലപ്പുറംജില്ല , തിരൂര് ജില്ല എന്നിങ്ങനെ രണ്ട് ജില്ലകളാക്കി മലപ്പുറത്തെ വിഭജിക്കണം. തിരൂര് ജില്ലയില് കാലിക്കറ്റ് യൂണിവേഴ്സിറ്റി, താനൂര്, പരപ്പനങ്ങാടി, കുറ്റിപ്പുറം, കോട്ടക്കല്, വളാഞ്ചേരി, എടപ്പാള്, പൊന്നാനി എന്നിവ ഉള്പ്പെടണം. മലപ്പുറം ജില്ലയില് കൊണ്ടോട്ടി, പെരിന്തല്മണ്ണ, മഞ്ചേരി, നിലമ്പൂര്, അരീക്കോട്, കാളികാവ്, പാണ്ടിക്കാട്, എടവണ്ണ, വഴിക്കടവ് വരെ ഉള്പ്പെടണമെന്നും സന്തോഷ് പണ്ഡിറ്റ്.
47 ലക്ഷം ആളുകള് മലപ്പുറം ജില്ലയില് മാത്രം ജീവിക്കുന്നു. അതിവേഗം വളരുന്ന ജനസംഖ്യ ആണ് മലപ്പുറത്തിലേത്. മൊത്തം കേരളത്തിലെ 7 ല് ഒരാള് ഈ ജില്ലയില് നിന്നാണ് എന്നര്ത്ഥം.-സന്തോഷ് പണ്ഡിറ്റ് പറയുന്നു.
ഇതില് നിലവില് തന്നെ ഒരു ജില്ലാ ആസ്ഥാനം ആകുവാന് വേണ്ട എല്ലാം സംവിധാനവും, വികസനവും തിരൂരിന് ഉണ്ട്. സര്ക്കാര് തീരുമാനം കൂടി വന്നാല് മതി.
