കണ്ണൂര് :ബെവ്കോ ഔട്ട്ലെറ്റില് മദ്യ വില്പ്പന കുറഞ്ഞതിന് പിന്നാലെ ഷോപ്പ് ഇന് ചാര്ജിന് കുറ്റാരോപണ മെമ്മോ നല്കി ജനറല് മാനേജര്.കണ്ണൂര് പാറക്കണ്ടി ഔട്ട്ലെറ്റിലെ ഷോപ്പ് ഇന് ചാര്ജിനാണ് മെമ്മോ ലഭിച്ചത്.
കോഴിക്കോട് ജില്ലാ പരിശോധനവിഭാഗം നല്കിയ റിപ്പോര്ട്ട് കണക്കിലെടുത്താണ് മെമ്മോ നല്കിയത്. വില്പ്പനയില് കഴിഞ്ഞ വര്ഷത്തേക്കാള് 10.16% കുറവ് ഉണ്ടായി.വില്പ്പന കുറഞ്ഞതില് 15 ദിവസത്തിനകം വിശദീകരണം നല്കണമെന്നാണ് നിര്ദേശം.
ഔട്ട്ലെറ്റില് കഴിഞ്ഞ ഒരു വര്ഷമായി സിസിടിവി ഇല്ല. ഇത് സ്ഥാപിക്കാന് ഷോപ്പ് ഇന് ചാര്ജിന് സാധിച്ചിട്ടില്ലെന്നും കണ്ടെത്തിയിട്ടുണ്ട്. കഴിഞ്ഞ മാസമാണ് ഷോപ്പ് ഇന് ചാര്ജിന് മെമ്മോ ലഭിച്ചത്. സംഭവത്തില് വിശദീകരണം നല്കിയില്ലെങ്കില് നടപടിയിലേക്ക് കടക്കുമെന്നാണ് മുന്നറിയിപ്പ്.
നടപടിയ്ക്കെതിരെ ബിഎംഎസ് മുഖ്യമന്ത്രിക്കും എക്സൈസ് മന്ത്രിക്കും പരാതി നല്കിയിട്ടുണ്ട്.വിമുക്തി ഉള്പ്പടെ പദ്ധതി കൊണ്ടുവന്ന സര്ക്കാര് നയത്തിന് എതിരാണ് ഈ നടപടി. വില്പ്പന വര്ദ്ധിപ്പിക്കാന് ഷോപ്പ് ഇന് ചാര്ജ്മാര് നിര്ബന്ധിതര് ആകേണ്ടി വരും.മെമ്മോ നല്കിയവര്ക്കെതിരെ നടപടി വേണം എന്നാണ് പരാതിയില് ആവശ്യപ്പെട്ടിട്ടുളളത്.
