ഇസ്ലാമാബാദ്: ജമ്മു കശ്മീരിൽ സജീവമായി പ്രവർത്തിക്കുന്ന ലഷ്കർ-ഇ-തൊയ്ബ എന്ന ഭീകര സംഘടനയുടെ സ്ഥാപകൻ ഹാഫിസ് സയീദ് വീണ്ടും പാകിസ്ഥാനിൽ നിന്ന് ഇന്ത്യയ്ക്കെതിരെ വിഷം വമിപ്പിച്ചു. ഓപ്പറേഷൻ സിന്ദൂരിന്റെ തുടർച്ചയെക്കുറിച്ചുള്ള ഇന്ത്യയുടെ പ്രഖ്യാപനത്തെ ഭീകരൻ പാടെ അവഗണിച്ചു. ഭീകരന്റെ അനുയായിയും പഹൽഗാം ആക്രമണത്തിന്റെ സൂത്രധാരനും ഭീകര സംഘടനയായ ലഷ്കർ-ഇ-തൊയ്ബയുടെ ഡെപ്യൂട്ടി മേധാവിയുമായ സൈഫുള്ള കസൂരി തന്റെ സോഷ്യൽ മീഡിയോയിലെ പുതിയ വീഡിയോയിലാണ് ഇക്കാര്യം പറഞ്ഞത്.
ഇന്ത്യ പൊള്ളയായ ഭീഷണികൾ മാത്രമാണ് പുറപ്പെടുവിക്കുന്നത്. ഇന്ത്യയെ ഭയപ്പെടേണ്ടതില്ല. അടുത്ത 50 വർഷത്തേക്ക് ഇന്ത്യ ആക്രമിക്കാൻ ധൈര്യപ്പെടില്ലെന്ന് ഹാഫീസ് സായിദ് പറഞ്ഞതായി കസൂരി പറഞ്ഞു. ഈ വീഡിയോയിൽ സൈഫുള്ള കസൂരി ഇന്ത്യയ്ക്കെതിരെ വിഷം വമിപ്പിച്ചു. ഹാഫിസ് സയീദിനെ ഉദ്ധരിച്ച് ആണ് ഈ അവകാശവാദം ഭീകരൻ ഉന്നയിക്കപ്പെട്ടത്.
ഒന്നര മാസം മുമ്പ് ഹാഫിസ് സയീദ് പങ്കെടുത്ത ഒരു സമ്മേളനത്തിൽ താൻ പങ്കെടുത്തിരുന്നുവെന്ന് സൈഫുള്ള കസൂരി പറഞ്ഞു. ഈ കൂടിക്കാഴ്ചയിൽ പാകിസ്ഥാനെ ആക്രമിക്കുമെന്ന ഇന്ത്യയുടെ നിരന്തരമായ ഭീഷണികളെക്കുറിച്ചും ഈ ഭീഷണിയെ എങ്ങനെ കാണണമെന്നും ഒരു പാകിസ്ഥാനി ഹാഫിസ് സയീദിനോട് ചോദിച്ചു.
തുടർന്ന് ഇന്ത്യയുടെ പൊള്ളയായ ഭീഷണികളെ നമ്മൾ ഭയപ്പെടേണ്ടതില്ല. ആറ് മാസം മുമ്പ്, അല്ലാഹു ഇന്ത്യയ്ക്ക്മേൽ ഇത്രയും ആഴത്തിലുള്ള മുറിവ് ഏൽപ്പിച്ചതിനാൽ അടുത്ത 50 വർഷത്തേക്ക് വീണ്ടും നമ്മെ ആക്രമിക്കാൻ ധൈര്യപ്പെടില്ല എന്ന് ഹാഫിസ് സയീദ് പ്രതികരിച്ചതായിട്ടാണ് സൈഫുള്ള കസൂരി പറഞ്ഞത്.
