വളരെയേറെ ശ്രദ്ധിക്കേണ്ട ഒരു അവയവമാണ് കരൾ . മഞ്ഞപ്പിത്തം, അമിത കൊളസ്ട്രോൾ, കരൾവീക്കം, പ്രവർത്തനകരാർ എന്നിവയാണ് കരളിനെ ബാധിക്കുന്ന പ്രധാന രോഗങ്ങൾ.. ഈ ലക്ഷണങ്ങളുടെ അടിസ്ഥാനത്തിലാണ് രോഗം സ്ഥിരീകരിക്കുന്നത്. മയക്കം- കരൾ രോഗങ്ങളുടെ ലക്ഷണങ്ങളിൽ ഒന്നാണ് രോഗബാധിതർക്ക് എല്ലായ്പ്പോഴും തലചുറ്റല് അനുഭവപ്പെടും. ഇത്തരം ലക്ഷണങ്ങൾ കണ്ടാൽ അടിയന്തിര വൈദ്യസഹായം തേടണം. .
അടിക്കടിയുണ്ടാകുന്ന ഓക്കാനവും ഛർദ്ദിയും കരൾരോഗ ലക്ഷണമാകാം. കരളിന്റെ പ്രവർത്തന കരാർ മൂലമോ കരളിനുണ്ടാകുന്ന കേടുപാട് മൂലമോ പിത്തരസത്തിന്റെ ഉത്പാദനം വർദ്ധിക്കുന്നത് മൂലമാണ് ഛർദ്ദിക്കണമെന്നല് തോന്നല് ഉണ്ടാകുന്നത്. അപൂര്വ്വം ചില അവസരങ്ങളിൽ രക്തം ഛർദ്ദിക്കുകയും ചെയ്യാം. കരളിനെ ബാധിക്കുന്ന അസുഖങ്ങൾ വളരെ ഗൗരവത്തോടെ കാണേണ്ടതാണ്.
കരൾരോഗം ഗുരുതരമാകുമ്പോൾ രോഗം തലച്ചോറിനെ ബാധിക്കും. തലച്ചോര് പെട്ടെന്ന് പ്രതികരിക്കാതാകുമ്പോൾ രോഗി ആശയക്കുഴപ്പത്തിലാകും. ഇത് മാനസികാസ്വാസ്ഥ്യമായി പ്രകടമാകും. കരൾരോഗത്തിന്റെ ഏറ്റവും ഗുരുതരമായ ലക്ഷണമാണിത്.
കണ്ണുകള്, ത്വക്ക്, നഖങ്ങൾ എന്നിവ മഞ്ഞ നിറമാകുന്നത് കരൾരോഗ ലക്ഷണമാണ്. മൂത്രത്തിന്റെ നിറവും മഞ്ഞയായിരിക്കും. പിത്തരസത്തിന്റെ അമിതമായ ഉത്പാദനം മൂലമാണ് ഈ ലക്ഷണങ്ങൾ പ്രകടമാകുന്നത്. വീക്കം, കരൾ കോശങ്ങളിലെ തകരാറുകൾ, പിത്തനാളികളിലെ പ്രശ്നങ്ങൾ എന്നിവയാണ് പിത്തരസത്തിന്റെ അമിത ഉത്പാദനത്തിനുള്ള പ്രധാന കാരണങ്ങൾ.
കരള്രോഗ ബാധയുടെ ഏറ്റവും പ്രധാന ലക്ഷണമാണ് അടിവയറിലെ നീര്. കരളിന്റെ പ്രവര്ത്തനം ശരിയായ രീതിയിൽ അല്ലാത്തത് കൊണ്ടാണ് നീരുണ്ടാകുന്നത്. അടിവയർ കല്ലുപോലെ ആകുകയും വീർക്കുകയും ചെയ്യും. ഏതെങ്കിലും വിധത്തിലുള്ള ഗുരുതരമായ പ്രശ്നങ്ങൾ കരളിനെ ബാധിച്ചാല് മാത്രമേ ഈ ലക്ഷണം പ്രടമാകൂ.
കോമ- കരൾരോഗത്തിന്റെ ഏറ്റവും അവസാനത്തെയും ഏറ്റവും ഗുരുതരവുമായ ലക്ഷണമാണ് കോമ അഥവാ മസ്തിഷ്കാഘാതം മൂലമുണ്ടാകുന്ന ഒരിക്കലും ഉണരാത്ത അവസ്ഥ. മേല്പ്പറഞ്ഞ ലക്ഷണങ്ങൾ അവഗണിച്ചാൽ രോഗി അധികം വൈകാതെ കോമയിലാകും
courtesy : arogyamanu sampath
