തിരുവനന്തപുരം: പഞ്ചായത്ത് വാഹനത്തെ ചൊല്ലി തര്ക്കത്തില് വെള്ളനാട് ഗ്രാമപഞ്ചായത്തിലെ പഞ്ചായത്ത് സെക്രട്ടറിയെ സി പി എം കാരനായ പ്രസിഡന്റ് റോഡില് തടഞ്ഞു.
വാഹനം വേണമെന്ന് പ്രസിഡന്റ് വെള്ളനാട് ശശിയും വൈകിട്ട് അഞ്ചുമണിക്ക് ശേഷം വാഹനം വിട്ടുകൊടുക്കാന് ആകില്ല എന്ന് സെക്രട്ടറിയും നിലപാട് സ്വീകരിച്ചതോടെയാണ് തര്ക്കമായത്. പഞ്ചായത്തില് നടന്ന സത്യപ്രതിജ്ഞ റിപ്പോര്ട്ടുകള് കളക്ടറേറ്റില് നല്കി മടങ്ങിവരവേയാണ് വെള്ളനാട് കുളക്കോട് ഭാഗത്ത് വെച്ച് പഞ്ചായത്ത് വാഹനം തടഞ്ഞത്.
വിവിധ പ്രദേശങ്ങളില് പോകാനായി വാഹനം വേണമെന്ന് പഞ്ചായത്ത് പ്രസിഡന്റ് വെള്ളനാട് ശശി ആവശ്യപ്പെട്ടു.തര്ക്കിച്ച് കൊണ്ട് ഇദ്ദേഹം വാഹനത്തിനുള്ളില് ഇരിപ്പുറപ്പിച്ചു. പിന്നീട് വെള്ളനാട് ശശിയെ കുളക്കോടുള്ള വീട്ടിലെത്തിച്ച ശേഷം വാഹനം തിരികെ പഞ്ചായത്തില് എത്തിക്കുകയായിരുന്നു.
