ന്യൂദല്ഹി: :പ്രിയങ്ക ഗാന്ധി പ്രധാനമന്ത്രിയായിരുന്നെങ്കില് ബംഗ്ലാദേശിനെ ആക്രമിച്ചേനെ എന്ന് കോണ്ഗ്രസ് എംപിയായ ഇമ്രാന് മസൂദ്. 175 പേര് കൊല്ലപ്പെട്ട 2008ലെ ഭീകരാക്രമണത്തില് പ്രിയങ്കയുടെ അമ്മ കടിഞ്ഞാണ് പിടിച്ച കോണ്ഗ്രസിന്റെ ധൈര്യം കണ്ടതാണെന്ന് സോഷ്യല് മീഡിയയില് ഇതിനെതിരെ പരിഹാസം ഉയരുകയാണ്. പാകിസ്ഥാന് ഉണങ്ങാത്ത മുറിവുകള് സമ്മാനിച്ച ഇന്ദിരാഗാന്ധിയുടെ കൊച്ചുമകളാണ് പ്രിയങ്കയെന്നും അവര് പ്രധാനമന്ത്രിയായാല് ബംഗ്ലാദേശിനെ അടിക്കുമെന്നാണ് അവകാശവാദം.
മുംബൈ ഭീകരാക്രമണത്തിന് പിന്നില് പാകിസ്ഥാനിലെ ലഷ്കര് ഇ ത്വയിബ എന്ന ഭീകരസംഘടനയാണെന്ന് തെളിഞ്ഞിട്ടും മന്മോഹന്സിങ്ങ് പ്രധാനമന്ത്രിയായിരുന്ന കാലത്ത് കോണ്ഗ്രസ് അനങ്ങിയില്ല. ധുരന്ധര് എന്ന സിനിമയിലും കോണ്ഗ്രസിലെ രാഷ്ട്രീയക്കാര്ക്ക് പാകിസ്ഥാനോുള്ള അടിമത്വം തുറന്നു കാണിക്കുന്നുണ്ട്. ഓപ്പറേഷന് സിന്ദൂര് മറക്കരുതെന്നും ബിജെപി നേതാക്കള് കോണ്ഗ്രസ് എംപി ഇമ്രാന് മസൂദിനെ ഓര്മ്മിപ്പിക്കുന്നു.
ബംഗ്ലാദേശിനെ ആക്രമിക്കാതിരിക്കുക എന്നത് മോദി സര്ക്കാരിന്റെ നയമാണ്. പാകിസ്ഥാന് മാത്രമാണ് ഇന്ത്യയുടെ ശത്രു എന്നതാണ് ഇന്ത്യയുടെ നയം. ബംഗ്ലാദേശില് ഉണ്ടായിരിക്കുന്നത് ഒരു താല്ക്കാലിക പ്രതിഭാസം മാത്രമാണ്. ജമാ അത്തെ ഇസ്ലാമി എന്ന മൗലികവാദസംഘടനയുടെ നേതൃത്വത്തില് നടന്ന വിദ്യാര്ത്ഥി കലാപമാണ് ഇപ്പോഴത്തെ സാഹചര്യത്തിന് പിന്നില്. ബംഗ്ലാദേശിലെ കലാപത്തിന് പിന്നില് അമേരിക്കയിലെ ഡീപ് സ്റ്റേറ്റ് ശക്തികളുടെ വരെ കയ്യുണ്ടെന്ന് കരുതുന്നു. പാകിസ്ഥാനും ബംഗ്ലാദേശിനെ മുന്പില് നിര്ത്തി ഇന്ത്യയെ പ്രകോപിപ്പിക്കാന് ശ്രമിക്കുകയാണ്. ആ പ്രകോപനത്തില് വീഴരുതെന്ന് തന്നെയാണ് ഇന്ത്യയുടെ നിലപാട്.
