ന്യൂഡൽഹി : കോൺഗ്രസ് നേതാവ് പ്രിയങ്ക വദ്രയെ പ്രധാനമന്ത്രി സ്ഥാനത്തേയ്ക്ക് ഉയർത്തിക്കാട്ടി കോൺഗ്രസ് നേതാവ് ഇമ്രാൻ മസൂദ്. മുൻ പ്രധാനമന്ത്രി ഇന്ദിരാഗാന്ധിയും പ്രിയങ്ക ഗാന്ധിയും തമ്മിൽ സമാനതകൾ പറഞ്ഞാണ് ഇമ്രാൻ മസൂദിന്റെ പ്രസ്താവന.
ബംഗ്ലാദേശിലെ ഹിന്ദുക്കൾക്കെതിരായ അതിക്രമങ്ങളെക്കുറിച്ചുള്ള പ്രിയങ്ക ഗാന്ധിയുടെ പരാമർശത്തെ ബിജെപി വിമർശിക്കുന്നതിനിടെയാണ് മസൂദ്, പ്രിയങ്കയെ പ്രധാനമന്ത്രി സ്ഥാനാർത്ഥിയായി കാണുന്നതിൽ തെറ്റൊന്നുമില്ലെന്ന് പറഞ്ഞ് രംഗത്തെത്തിയത് . പ്രിയങ്കയുടെ നേതൃത്വഗുണങ്ങളും, പ്രതികരണങ്ങളും ഇന്ദിരാഗാന്ധിയുടെ പാരമ്പര്യത്തെ പ്രതിഫലിപ്പിക്കുന്നുവെന്നും ഇമ്രാൻ മസൂദ് പറഞ്ഞു.
