പത്തനംതിട്ട: ശബരിമലയില് ഭക്തജനതിരക്കേറി. ശനിയാഴ്ച വൈകുന്നേരം ആറുമണി വരെ 67,000 തീര്ത്ഥാടകരാണ് ദര്ശനം നടത്തിയത്. കഴിഞ്ഞ രണ്ട് ദിവസവും ഒരു ലക്ഷത്തോളം പേര് ദര്ശനം നടത്തി.
കരിമലയും പുല്ലുമേടും അടക്കമുള്ള കാനനപാതകളിലൂടെ എത്തുന്ന തീര്ത്ഥാടകരുടെ എണ്ണത്തിലും വന് വര്ധനവുണ്ട്. പതിനെട്ടാംപടി, സോപാനം, തിരുമുറ്റം, മാളികപ്പുറം എന്നിവിടങ്ങളില് മൊബൈല് ഫോട്ടോഗ്രഫിക്ക് നിയന്ത്രണം ഏര്പ്പെടുത്തിയെന്ന് പൊലീസ് അറിയിച്ചു.ഹൈക്കോടതി നിര്ദേശ പ്രകാരമാണിത്.
പിടിച്ചു കയറ്റാനുള്ള സൗകര്യത്തിന് മാളികപ്പുറങ്ങളും കുട്ടി അയ്യപ്പന്മാരും പതിനെട്ടാംപടിയുടെ വശങ്ങളിലൂടെ പടി കയറണമെന്നും പൊലീസ് ആവശ്യപ്പെട്ടു.
