തിരുവനന്തപുരം: പദ്മശ്രീ പുരസ്ക്കാര ജേതാവും പ്രശസ്ത സസ്യശാസ്ത്രജ്ഞനുമായ ഡോ. പി. പുഷ്പാംഗദന് (81) അന്തരിച്ചു. പ്രശസ്ത ശാസ്ത്ര സ്ഥാപനങ്ങളില് ഉന്നത പദവികള് വഹിച്ചിട്ടുണ്ട്. വംശീയ സസ്യശാസ്ത്രത്തില് (എത്തോബോട്ടണി) വിലപ്പെട്ട സംഭാവനകള് നല്കിയ ഡോ. പുഷ്പാംഗദനാണ് ആരോഗ്യപ്പച്ചയുടെ രഹസ്യം ആധുനിക ലോകത്തിന് പരിചയപ്പെടുത്തിയത്.
1944 ജനുവരി 23ന് കൊല്ലം പ്രാക്കുളത്ത് ജനിച്ച ഡോ. പുഷ്പാംഗദന് സസ്യശാസ്ത്ര മേഖലയിലെ ബഹുമുഖ പ്രതിഭയായിരുന്നു. സൈറ്റോജെനിറ്റിക്സ്, പ്ലാന്റ് ബ്രീഡിങ്, ബയോപ്രോസ്പെക്റ്റിങ്, ബയോടെക്നോളജി, കണ്സര്വേഷന് ബയോളജി, എത്നോബയോളജി, എത്നോഫാര്മക്കോളജി, ഫാര്മക്കോഗ്നോസി എന്നിങ്ങനെ വിവിധ ശാസ്ത്രശാഖകളില് പ്രാവീണ്യം നേടി.
1999 മുതല് 2006 വരെ തിരുവനന്തപുരം പാലോട് ട്രോപ്പിക്കല് ബൊട്ടാണിക്കല് ഗാര്ഡന് ആന്ഡ് റിസര്ച്ച് ഇന്സ്റ്റിറ്റ്യൂട്ടിന്റെ (ടിബിജിആര്ഐ) ഡയറക്ടറായിരുന്നു. രാജീവ് ഗാന്ധി സെന്റര് ഫോര് ബയോടെക്നോളജി ഡയറക്ടറുടെ പ്രത്യേക ചുമതലയും വഹിച്ചിട്ടുണ്ട്. വിവിധ ദേശീയ അന്തര്ദേശീയ ജേണലുകളിലായി 317 ഗവേഷണ പ്രബന്ധങ്ങളും ലേഖനങ്ങളും പ്രസിദ്ധീകരിച്ചിട്ടുണ്ട്.
ഭാര്യ: ഡോ. ശ്രീദേവി. മക്കള്: പരേതനായ അജയ് മോഹന് ഡാന്, ഡോ. വിപിന് മോഹന് ഡാന്(സീനിയര് സയിന്റിസ്റ്റ്, ജെഎന്ടിബിജിആര്ഐ).
