മസ്കറ്റ്: ഒമാനില് മോദിയുടെ സന്ദര്ശനം വലിയ തരംഗമായി മാറി. ആയിരക്കണക്കിന് ഇന്ത്യക്കാരാണ് സ്നേഹാദരങ്ങളോടെ മോദീ…മോദീ എന്ന വിളിയോടെ പ്രധാനമന്ത്രിയെ സ്വീകരിച്ചത്. ഒമാന് കണ്വെന്ഷന് ആന്റ് എക്സിബിഷന് സെന്ററിലാണ് മോദി ഇന്ത്യന് സമൂഹത്തെ അഭിസംബോധന ചെയ്തത്.
ഒമാനിലെ 20 ഇന്ത്യന് സ്കൂളുകളില് പഠിക്കുന്ന തെരഞ്ഞെടുക്കപ്പെട്ട വിദ്യാര്ത്ഥികള് ഉള്പ്പെടെ ആയിരക്കണക്കിന് ഇന്ത്യക്കാര് മോദിയെ കേള്ക്കാന് എത്തിയിരുന്നു. മോദി വേദിയിലേക്ക് എത്തിയപ്പോള് തന്നെ ഒരു നോക്കുകാണാന് ഇന്ത്യക്കാര് തിക്കിത്തിരക്കി. പലര്ക്കും ഹാളിലേക്ക് കയറാന് പോലും കഴിഞ്ഞില്ല.
മറ്റൊരു ചടങ്ങില് ഒമാന്റെ പരമോന്നത സിവിലിയന് പുരസ്കാരമായ ഓര്ഡര് ഓഫ് ഒമാന് പുരസ്കാരം സുല്ത്താന് ഹൈത്തം ബിന് താരിഖ് സമ്മാനിച്ചു. ഇന്ത്യ-ഒമാന് ഉഭയകക്ഷി ബന്ധം ഊട്ടിവളര്ത്തിയതിനാണ് ഈ അവാര്ഡ് നല്കുന്നത്. ഇതോടെ മോദിക്ക് 28 രാജ്യങ്ങളില് നിന്നുള്ള പരമോന്നത സിവിലിയന് പുരസ്കാരം കിട്ടിക്കഴിഞ്ഞു.
ഇന്ന് നമ്മള് ആഘോഷിക്കുന്നത് ഇന്ത്യ-ഒമാന് സൗഹൃദം അഥാവ മൈത്രീ ഫെസ്റ്റിവല് ആണെന്നും മോദി ഇന്ത്യക്കാരോട് പറഞ്ഞു. മൈത്രി(MAITRI) എന്ന ഇംഗ്ലീഷ് പദത്തിലെ ഓരോ വാക്കുകളും എന്തെന്ന് മോദി വിശദീകരിച്ചപ്പോള് കേട്ടിരുക്കുന്നവര് കയ്യടിക്കാന് മറന്നില്ല. അത് ഇപ്രകാരമാണ്- എം (M) എന്നാല് മാരിടൈം ഹെറിറ്റേജ്(സാമുദ്രിക പാരമ്പര്യം), എ(A) എന്നാല് എസ്പൈറേഷന് ( അഭിലാഷം), ഐ (I)എന്നാല് ഇന്നൊവേഷന് (നവീനത), ടി (T( എന്നാല് ട്രസ്റ്റ് , ടെക്നോളജി (വിശ്വാസം, സാങ്കേതികവിദ്യ), ആര് (R) എന്നാല് റെസ്പെക്ട് (ബഹുമാനം), ഐ (I)എന്നാല് ഇന്ക്ലൂസീവ് ഗ്രോത്ത് (ഉള്ച്ചേര്ത്തുകൊണ്ടുള്ള വളര്ച്ച) എന്നിവ ചേരുന്നതാണ് മൈത്രി (MAITRI) എന്ന് മോദി വിശദീകരിച്ച് നിര്ത്തിയപ്പോള് നീണ്ട കരഘോഷത്തോടെ ഇന്ത്യക്കാര് ഈ സങ്കല്പത്തെ എതിരേറ്റു.
