തിരുവനന്തപുരം: സുപ്രീംകോടതി ഉത്തരവിന്റെ അടിസ്ഥാനത്തില് സാങ്കേതിക സര്വകലാശാല വിസി ഡോ. രാജശ്രീ പുറത്തേക്ക് പോയതോടെ 2022 ആഗസ്തിലാണ് അന്നത്തെ ഗവര്ണര് ആരിഫ് മുഹമ്മദ്ഖാന് സിസ തോമസിനെ നിയമിച്ചത്. നിരവധി നിയമപോരാട്ടങ്ങള്ക്കൊടുവില് 2023 മാര്ച്ചില് വിരമിക്കുന്നവരെ വിസിയായി. തുടര്ന്ന് 2024 നവംബര് 27ന് ഡിജിറ്റല് സര്വകലാശാല വിസിയായി നിയമിച്ച് ഗവര്ണര് ആരിഫ് മുഹമ്മദ് ഖാന് ഉത്തരവിറക്കി.
കേരള സര്വകലാശാല വിസി ഡോ. മോഹനന് കുന്നുമ്മല് അന്തര്ദേശീയ സമ്മേളത്തിനായി വിദേശത്ത് പോയപ്പോള് ഒരാഴ്ച കേരളയുടെ വിസിയായി നിയമിച്ച് ഉത്തരവിറക്കി. അതിനുശേഷം കോടതി ഉത്തരവിനെ തുടര്ന്ന് ഡിജിറ്റല് സര്വകലാശാല വിസി സ്ഥാനത്തു നിന്ന് ഒഴിവായി. വീണ്ടും കോടതി ഉത്തരവിനെ തുടര്ന്ന് ഡിജിറ്റലില് തന്നെ വിസിയാക്കി ഉത്തരവിട്ടു. അതിനിടെയാണ് സുപ്രീം കോടതി ഇടപെടലും സാങ്കേതിക സര്വകലാശാല വിസിയായി നിയമിക്കുന്നതും. ഡിജിറ്റല് വിസിയുടെ സ്ഥാനം ഒഴിയുന്നതായുള്ള കത്ത് ഗവര്ണര്ക്ക് നല്കിയപ്പോള് പുതിയ വിസി ചുമതലയേല്ക്കുന്നതു വരെ തുടരാന് ഗവര്ണര് നിര്ദേശിച്ചിട്ടുണ്ട്. അതിനും ഉത്തരവിറങ്ങും. അങ്ങനെ ഏറ്റവും കൂടുതല് നിയമന ഉത്തരവ് കൈപ്പറ്റിയ വിസികൂടിയായി സിസ തോമസ്.
