കാലടി: തിരുവൈരാണിക്കുളം മഹാദേവ ക്ഷേത്രത്തിലെ ശ്രീപാര്വതിദേവിയുടെ നടതുറപ്പ് മഹോത്സവ ദിനങ്ങളില് ഭക്തജനങ്ങള്ക്കുള്ള വെര്ച്ച്വല് ക്യൂ ബുക്കിങ് ആരംഭിച്ചു. എറണാകുളം ജില്ലാ കളക്ടര് ജി. പ്രിയങ്ക ഉദ്ഘാടനം നിര്വഹിച്ചു.
ക്ഷേത്ര ട്രസ്റ്റ് പ്രസിഡന്റ് എ. മോഹന്കുമാര്, സെക്രട്ടറി എ.എന്. മോഹനന്, പബ്ലിസിറ്റി കണ്വീനര് എം.എസ്. അശോകന് എന്നിവര് പങ്കെടുത്തു.
2026 ജനുവരി 2 മുതല് 13 വരെയാണ് നടതുറപ്പ് മഹോത്സവം. ക്ഷേത്ര വെബ്സൈറ്റായ www.thiruvairanikkulamtemple.org വഴി ഭക്തജനങ്ങള്ക്ക് വെര്ച്ച്വല് ക്യൂ ബുക്ക് ചെയ്യാം. വെര്ച്ച്വല് ക്യൂ ബുക്ക് ചെയ്യുന്നതിലൂടെ ഭക്തജനങ്ങള്ക്ക് സമയബന്ധിതമായി ദര്ശനം പൂര്ത്തിയാക്കുന്നതിന് സാധിക്കുമെന്ന് ഭാരവാഹികള് അറിയിച്ചു. വെര്ച്വല് ക്യൂ ബുക്ക് ചെയ്യുന്ന ഭക്തര്ക്ക് ദേവസ്വം പാര്ക്കിങ് ഗ്രൗണ്ടുകളായ സൗപര്ണിക, കൈലാസം എന്നിവിടങ്ങളിലെ വെരിഫിക്കേഷന് കൗണ്ടറില് രസീത് നല്കി ദര്ശന പാസ് വാങ്ങാം. വെര്ച്ച്വല് ക്യൂ ബുക്ക് ചെയ്യാത്തവര്ക്ക് സാധാരണ ക്യൂവിലൂടെ ദര്ശനം സാധിക്കുന്നതാണ്. ഫോ. 8547769454.
