നെയ്യാറ്റിന്കര: തദ്ദേശ തെരഞ്ഞെടുപ്പില് സമൂഹമാധ്യമങ്ങളിലൂടെ പ്രചാരണം പൊടിപൊടിക്കുന്നു. യുവജനങ്ങള്ക്കിടയില് സമൂഹമാധ്യമങ്ങളുടെ സ്വാധീനം അത്രയേറെ വളര്ന്നതാണ് രാഷ്ട്രീയ പാര്ട്ടികളും സ്ഥാനാര്ഥികളും പുത്തന് മാധ്യമങ്ങളെ പ്രധാന പ്രചാരണ മാര്ഗമായി തെരഞ്ഞെടുക്കാന് കാരണം. സോഷ്യല് മീഡിയയിലൂടെ സ്ഥാനാര്ഥികള് നേരത്തേ തന്നെ പ്രചാരണം തുടങ്ങിക്കഴിഞ്ഞു. ഓരോ പ്രദേശത്തെ സ്ഥാനാര്ഥികള്ക്കും അവരവരുടെ വാര്ഡുകള് കേന്ദ്രീകരിച്ച് സോഷ്യല് മീഡിയ ഗ്രൂപ്പുകളുണ്ടാക്കിയാണ് പ്രചാരണം.
ഫെയ്സ്ബുക്ക്, വാട്ട്സ് ആപ്പ്, ഇന്സ്റ്റഗ്രാം, യൂട്യൂബ്, മെസ്സന്ജര്, എക്സ് ഉള്പ്പെടെയുള്ള സോഷ്യല് മീഡിയകളിലൂടെ സ്ഥാനാര്ത്ഥികളെ പരിചയപ്പെടുത്തുകയും അവരുടെ പ്രവര്ത്തനമികവും വിജയിച്ചു വന്നാല് നടപ്പിലാക്കുന്ന വികസനവും പറയുന്ന പോസ്റ്റുകള് വൈറലാണ്. സ്ഥാനാര്ഥികള് പര്യടനം നടത്തുന്നതു പോലും വീഡിയോ എടുത്ത് റീല്സാക്കി പ്രചരിപ്പിക്കുന്നതിന് പ്രത്യേക സംഘങ്ങളുമുണ്ട്.
തങ്ങളുടെ പാര്ട്ടിക്ക് അനുകൂലമായ തരംഗമുണ്ടാക്കാന് വിവിധ പേരുകളില് വിവിധ സോഷ്യല് മീഡിയ ഗ്രൂപ്പുകള് പ്രത്യക്ഷപ്പെട്ടു തുടങ്ങി. നിഷ്പക്ഷ ഗ്രൂപ്പായി തുടങ്ങി അതില് തങ്ങള്ക്ക് അനുകൂലമായ രാഷ്ട്രിയം കലര്ത്തുന്ന ചാരന് ഗ്രൂപ്പുകളും സജീവം. പുതുതലമുറയിലെ സമ്മതിദായകരിലേക്ക് എത്തിപ്പെടാനുള്ള എളുപ്പവഴി കൂടിയായിട്ടാണ് സോഷ്യല് മീഡിയയെ കണക്കാക്കുന്നത്. സോഷ്യല് മീഡിയ പ്രചാരണത്തിന് പാര്ട്ടികള് ഇപ്പോള് വലിയ പരിഗണനയും പിന്തുണയും നല്കുന്നുണ്ട്. കൂടുതല് പ്രചാരം, കുറഞ്ഞ പണച്ചെലവ്, അനായാസമായ പ്രവര്ത്തനം തുടങ്ങി ഒട്ടേറെ മേന്മകളാണ് മറ്റ് പ്രചാരണ മാര്ഗ്ഗങ്ങളെക്കാള് സോഷ്യല് മീഡിയക്കുള്ളത്.
