കൊച്ചി: ക്ഷേത്രങ്ങള് തകര്ക്കുന്ന സര്ക്കാരിന്റെയും ദേവസ്വം ബോര്ഡിന്റെയും നിലപാടുകള്ക്കെതിരെ പ്രക്ഷോഭങ്ങളുമായി ടെമ്പിള് പാര്ലമെന്റ് ഭക്തജനങ്ങളിലേയ്ക്ക്.
ഇരുപതിലേറെ വരുന്ന ഹിന്ദു സംഘടനകളുടെ കൂട്ടായ്മയില് കൊച്ചിയില് നടന്ന ടെമ്പിള് പാര്ലമെന്റാണ് ആറുമാസം നീളുന്ന പ്രക്ഷോഭ പരിപാടികള്ക്ക് രൂപം നല്കിയത്. നവംബര് 18 ന് ഹിന്ദു ഐക്യവേദി പ്രസിഡന്റ് വത്സന് തില്ലേങ്കരിയുടെ നേതൃത്വത്തില് ഹൈന്ദവ നേതൃത്വ സംഘം ശബരിമല സന്ദര്ശിക്കും. ശബരിമല മണ്ഡലകാല ദര്ശന സൗകര്യങ്ങളെ കുറിച്ച് മനസ്സിലാക്കി പോരായ്മകള് സര്ക്കാരിന് സമര്പ്പിക്കും. നവംബര് 20ന് മുതല് ഡിസംബര് 5 വരെ ക്ഷേത്രങ്ങളിലും ഭക്തജനങ്ങള് കൂടുന്ന കേന്ദ്രങ്ങളിലും ടെമ്പിള് പാര്ലമെന്റ് അവതരിപ്പിച്ച കുറ്റപത്രം ജനങ്ങളിലേയ്ക്ക് എത്തിക്കും.
ഡിസംബറില് താലുക്ക് തലത്തില് ക്ഷേത്രങ്ങളിലെ അഴിമതി, ഭൂമി കൈയേറ്റം, സോഷ്യല് ഓഡിറ്റിങ്ങ് തുടങ്ങി വിവിധ വിഷയങ്ങളെ കുറിച്ച് ജനകീയ സമ്പര്ക്കവും യോഗങ്ങളും. ജനുവരിയില് ഹിന്ദുസമ്മേളനങ്ങളില് പ്രചാരണം. മാര്ച്ച് മാസം താലുക്ക് പഞ്ചായത്ത് തലത്തില് കുറ്റപത്ര വിചാരണ സദസ്സുകള്. ഏപ്രിലില് ജില്ലാ, താലുക്ക് തലങ്ങളില് വാഹന പ്രചരണ ജാഥകള് എന്നിവ നടത്തും. സര്ക്കാര് മൗനം തുടരുകയാണങ്കില് ജനകീയ പ്രക്ഷോഭം ശക്തമാക്കും. ടെമ്പിള് പാര്ലമെന്റില് ഹിന്ദു ഐക്യവേദി അധ്യക്ഷന് ആര്.വി. ബാബുവാണ് പ്രക്ഷോഭ പ്രഖ്യാപനം നടത്തിയത്.
ക്ഷേത്രഭൂമി തിരിച്ചുപിടിക്കണം: കുമ്മനം
കൊച്ചി: ക്ഷേത്ര സ്വത്തുക്കളുടെ സംരക്ഷണത്തിന് ഭക്തജന സമൂഹം മുന്നിട്ടിറങ്ങണമെന്ന് മുന് മിസോറാം ഗവര്ണര് കുമ്മനം രാജശേഖരന് പറഞ്ഞു. കൈയേറിയ ക്ഷേത്രഭൂമികളില് കൊടിനാട്ടി ജനകീയ പ്രക്ഷോഭത്തിന് തയ്യാറാകണം. സമരമുഖത്ത് മുന്നിരയിലുണ്ടാകുമെന്നും കുമ്മനം പറഞ്ഞു
കൊച്ചിയിലെ ടെമ്പിള് പാര്ലമെന്റില് സംസാരിക്കുകയായിരുന്നു അദ്ദേഹം. ക്ഷേത്രങ്ങളുടെ ഭരണ വൈകല്യങ്ങളെ കുറിച്ച് 80കളില് ചേങ്കോട്ടുകോണം മഠാധിപതി സത്യാനന്ദ സരസ്വതി സ്വാമികള് സര്ക്കാരില് പ്രതിഷേധമറിയിച്ചതോടെയാണ് ശങ്കരന്നായര് കമ്മിഷന് പ്രഖ്യാപിച്ചത്. എന്നാല് കമ്മിഷന് റിപ്പോര്ട്ട് നിര്ദ്ദേശങ്ങള് നടപ്പിലാക്കാന് സര്ക്കാര് തയ്യാറായിട്ടില്ല. തുടര്ന്ന് ക്ഷേത്രവിമോചന പ്രക്ഷോഭങ്ങള് നടന്നു. ക്ഷേത്ര ഭരണമാറ്റമുണ്ടായി. ഇന്ന് ക്ഷേത്രങ്ങള് അഴിമതിയുടെ മേഖലയായി മാറി. ക്ഷേത്ര സ്വത്തുക്കളില് കഴുകന് കണ്ണുമായാണ് സര്ക്കാര് പ്രവര്ത്തിക്കുന്നത്. ക്ഷേത്ര വിമോചനത്തിന് ജീവന് നല്കാനും തയാറാകണം. കുമ്മനം പറഞ്ഞു.
ക്ഷേത്രം സംരക്ഷിക്കാന് നിയോഗിക്കപ്പെട്ടവരാണ് ഊരാളന്മാര്: കെ.കെ. ബല്റാം
കൊച്ചി: ക്ഷേത്രത്തിലെ പ്രതിഷ്ഠ മൈനറാണ്. ആ സങ്കല്പ്പത്തിലാണ് കോടതികള് ഉള്പ്പെടെ ക്ഷേത്രങ്ങളെയും പ്രതിഷ്ഠകളെയും കാണുന്നതെന്ന് ആര്എസ്എസ് ഉത്തരകേരള പ്രാന്തസംഘചാലക് അഡ്വ. കെ.കെ. ബല്റാം. സ്വന്തം കുട്ടിയുടെ വസ്തുക്കള് അച്ഛനും അമ്മയും മോഷ്ടിക്കുന്ന രീതിയാണ് ഇപ്പോള് നടക്കുന്നത്. പ്രതിഷ്ഠയുടെ താത്പര്യത്തിനനുസരിച്ചായിരിക്കണം വിധിയെന്ന് കോടതികളോട് സുപ്രീംകോടതി നിര്ദേശിച്ചിട്ടുണ്ട്. മലബാറിലെ ക്ഷേത്രങ്ങളെക്കുറിച്ചും മലബാര് ദേവസ്വം ബോര്ഡിന്റെ പ്രശ്നങ്ങളും നിയമപരമായ വസ്തുതകളും അവതരിപ്പിച്ച് സംസാരിക്കുകയായിരുന്നു അദ്ദേഹം.
ക്ഷേത്രം സംരക്ഷിക്കാന് നിയോഗിക്കപ്പെട്ടവരാണ് ഊരാളന്മാരെന്നും അദ്ദേഹം പറഞ്ഞു. വിവിധ നിയമങ്ങളും ചരിത്ര പശ്ചാത്തലവും അദ്ദേഹം വിശദീകരിച്ചു.
