തിരുവനന്തപുരം : യുവതിയെ മദ്യപന് ട്രെയിനില് നിന്നും ചവിട്ടി പുറത്തിട്ട സംഭവത്തില് അക്രമിക്കെതിരായ റിമാന്ഡ് റിപ്പോര്ട്ട് പുറത്ത്.പുകവലി ചോദ്യം ചെയ്തതാണ് മദ്യപനെ പ്രകോപിപ്പിച്ചതെന്നാണ് റിമാന്ഡ് റിപ്പോര്ട്ടില് പറയുന്നത്.
ശുചിമുറിക്ക് സമീപം നിന്നാണ് പ്രതി പുകവലിച്ചത്. പ്രതി പുകവലിച്ചുകൊണ്ട് പെണ്കുട്ടികളുടെ അടുത്തെത്തിയപ്പോള് മാറിനിന്നില്ലെങ്കില് പരാതിപ്പെടുമെന്ന് പെണ്കുട്ടികള് പറഞ്ഞു.
പ്രകോപിതനായ പ്രതി വാതില്പ്പടിയിലിരുന്ന ശ്രീക്കുട്ടിയെ ശക്തിയായി ചവിട്ടി. കൊലപ്പെടുത്തണമെന്ന ഉദ്ദേശത്തോടെ ആക്രമിച്ചെന്നും പൊലീസ് റിപ്പോര്ട്ടില് പറയുന്നു. പ്രതി ട്രെയിനില് കയറിയത് രണ്ട് ബാറുകളില് നിന്ന് മദ്യപിച്ച ശേഷമാണ്. പ്രതിക്കൊപ്പം ഒരു സുഹൃത്തും ട്രെയിനില് ഉണ്ടായിരുന്നതായാണ് പൊലീസ് കണ്ടെത്തല്.Remand
അതേസമയം പരിക്കേറ്റ ശ്രീക്കുട്ടി (19) യുടെ ആരോഗ്യനില ഗുരുതരമായി തുടരുന്നു. തിരുവനന്തപുരം മെഡിക്കല് കോളേജ് ആശുപത്രിയില് തീവ്രപരിചരണവിഭാഗത്തിലാണ് . തലക്കും നട്ടെല്ലിനും വീഴ്ചയുടെ ആഘാതത്തില് ഗുരുതര പരിക്കേറ്റിട്ടുണ്ടെന്നാണ് വിവരം.
പെണ്കുട്ടിയുടെ തലയോട്ടിക്ക് പൊട്ടലും ആഴത്തിലുള്ള ക്ഷതങ്ങളും ഉണ്ടായിട്ടുണ്ടെന്നാണ് വിവരം. മെഡിക്കല് ബോര്ഡ് രൂപീകരിച്ച് പെണ്കുട്ടിക്ക് വിദഗ്ധ ചികിത്സ ഉറപ്പാക്കാന് ആരോഗ്യ മന്ത്രി നിര്ദേശം നല്കിയിട്ടുണ്ട്. മകള്ക്ക് മെച്ചപ്പെട്ട ചികിത്സ ലഭിക്കുന്നില്ലെന്ന് ശ്രക്കുട്ടിയുടെ അമ്മ പരാതിപ്പെട്ടിരുന്നു.
ഞായറാഴ്ച രാത്രിയാണ് മദ്യലഹരിയിലായിരുന്ന പ്രതി വെള്ളറട പനച്ചുമൂട് വേങ്ങോട് വടക്കിന്കര വീട്ടില് സുരേഷ് കുമാര് (50) പെണ്കുട്ടിയെ കേരള എക്സ്പ്രസില് ജനറല് കമ്പാര്ട്ട്മെന്റില് നിന്ന് ചവിട്ടി തള്ളിയിട്ടത്. തിരുവനന്തപുരത്തേക്ക് വരവെ വര്ക്കല അയന്തി പാലത്തിന് സമീപം വച്ചാണ് സംഭവം. തിരുവനന്തപുരം പാലോട് സ്വദേശിനിയാണ് ശ്രീക്കുട്ടി.
