ന്യൂദല്ഹി: നേപ്പാളിന്റേത് പോലെയല്ല ഇന്ത്യ എന്നറിയണം. ഭാരതത്തില് ഭരണം നടത്തുന്നത് ജനങ്ങളാൽ തിരഞ്ഞെടുക്കപ്പെടുന്ന പ്രതിനിധികളാണ് . ഒരു ശക്തമായ ജനാധിപത്യ രാജ്യമാണ് ഇന്ത്യ. ഇവിടെ ജനാധിപത്യം ശക്തമാണ്. അതിനാല് അട്ടിമറിയൊന്നും എളുപ്പത്തില് നടക്കില്ലെന്ന് കേന്ദ്ര ആഭ്യന്തരമന്ത്രി അമിത് ഷാ.
എന്ഡിടിവി റിപ്പോര്ട്ടറുടെ ഒരു ചോദ്യത്തിന് ഉത്തരം പറയുകയായിരുന്നു അമിത് ഷാ.. മാത്രമല്ല ഇവിടുത്തെ ചെറുപ്പക്കാര് ദേശനിര്മ്മാണത്തില് ഉള്പ്പെട്ടിരിക്കുന്നവരാണ്. അതുകൊണ്ട് തന്നെ നേപ്പാളിലേത് പോലുള്ള ഒരു പ്രക്ഷോഭം ഇന്ത്യയില് നടക്കാന് സാധ്യതയില്ല. – അമിത് ഷാ വിശദമാക്കി.
മറ്റു ചില കാരണങ്ങളും പല മാധ്യമപ്രവര്ത്തകരും രാഷ്ട്രീയ നിരീക്ഷകരും ചൂണ്ടിക്കാണിക്കുന്നുണ്ട്. അതില് ഒന്ന് നേപ്പാളില് അഴിമതിയില് മുങ്ങിക്കുളിച്ചവരായിരുന്നു നേതാക്കള് എന്ന ആരോപണമുണ്ടായിരുന്നു എന്നുള്ളതാണ്. ഇത് അവിടുത്തെ ചെറുപ്പക്കാരെ രോഷാകുലരാക്കി. പക്ഷെ ഇന്ത്യയില് അങ്ങിനെ അഴിമതിയുടേതായ ഒരു അന്തരീക്ഷമില്ല.
നേപ്പാളില് ഭരണത്തിന്റെ, അധികാരത്തിന്റെ തലപ്പത്തിരിക്കുന്ന പലരുടെയും മക്കള് ധൂര്ത്തജീവിതമാണ് ജീവിച്ചിരുന്നത്. ഇത് അവിടുത്തെ ചെറുപ്പക്കാര്ക്കിടയില് വലിയ രോഷം ഉണ്ടാക്കി. പക്ഷെ ഇങ്ങിനെ ഒരു അന്തരീക്ഷം ഇന്ത്യയില് ഇല്ല.
