പട്ന : ബീഹാറില് അടച്ചുപൂട്ടലിന് വിധേയമായ എല്ലാ പഞ്ചസാമില്ലുകളും അടുത്ത അഞ്ച് വര്ഷത്തിനകം വീണ്ടും തുറന്നുപ്രവര്ത്തിപ്പിക്കുമെന്ന് കേന്ദ്ര ആഭ്യന്തരമന്ത്രി അമിത് ഷാ. അടുത്ത അഞ്ച് വര്ഷത്തിനകും മുഴുവന് പഞ്ചാസരമില്ലുകളും പുനരുദ്ധരിക്കുമെന്നും അദ്ദേഹം പറഞ്ഞു.
ബീഹാറിലെ സീതാമാര്ഹിയിലെ റിഗാ പഞ്ചസാര ഫാക്ടറി പുനരുദ്ധരിച്ചത് മോദി സര്ക്കാരിന്റെ ശ്രമഫലമായാണ്. റിഗാ പഞ്ചസാര ഫാക്ടറി പോലെ ബീഹാറിലെ മുഴുവന് പഞ്ചസാര മില്ലുകളും അടുത്ത വര്ഷങ്ങളില് പുനരുദ്ധരിക്കുമെന്നും അമിത് ഷാ ഉറപ്പുനല്കി. പഞ്ചസാരകര്ഷകരുടെ ക്ഷേമത്തിനായി എന്ഡിഎ സര്ക്കാര് പ്രവര്ത്തിക്കും.
പിന്നീട് അദ്ദേഹം എന്ഡിഎ സര്ക്കാര് നടത്തിയ വികസനപദ്ധതികള് അക്കമിട്ട് നിരത്തി. “2200 കോടി രൂപ ചെലവഴിച്ചാണ് ദുമാരിയ ഘട്ടില് നിന്നും പട്നയിലേക്ക് എക്സ്പ്രസ് ഹൈവേ സ്ഥാപിച്ചത്. ഹതുവയില് 340 കോടി രൂപയില് എല്പിജി ബോട്ടിലിംഗ് പ്ലാന്റ് നിര്മ്മിച്ചു. ഗോപാല്ഗഞ്ചിലെ സബേയയില് ഉടന് യാത്രവിമാനങ്ങള് പറക്കും. 131 കോടി രൂപയില് മിര്ഗഞ്ചില് ബൈപാസ് റോഡില് നിര്മ്മാണം നടത്തും. ചപ്ര- ഗോപാല്ഗഞ്ച് മേഖലയില് നാല് വരിപ്പാത പണിയും. താവെ ജംഗ്ഷന് പുതുക്കിപ്പണിയുകയാണ്.”- അമിത് ഷാ പറഞ്ഞു.
