പട്ന: ബീഹാർ നിയമസഭാ തിരഞ്ഞെടുപ്പിനുള്ള സംയുക്ത പ്രകടന പത്രിക മഹാസഖ്യം ഇന്ന് പുറത്തിറക്കും. തേജസ്വി യാദവ് ഉൾപ്പെടെ സഖ്യത്തിലെ എല്ലാ ഉന്നത നേതാക്കളും പങ്കെടുക്കും.
ഓരോ കുടുംബത്തിനും സർക്കാർ ജോലിയും സ്ത്രീകൾക്ക് പ്രതിമാസ അലവൻസുമായി ബന്ധപ്പെട്ട പ്രഖ്യാപനങ്ങളും പ്രകടന പത്രികയിൽ ഉൾപ്പെടുത്തുമെന്ന് പ്രതീക്ഷിക്കുന്നു. മുഖ്യമന്ത്രി നിതീഷ് കുമാറും തേജസ്വി യാദവും ചൊവ്വാഴ്ച നിരവധി റാലികൾ നടത്തുമ്പോൾ, ഒവൈസി ഇന്ന് ബീഹാർ തിരഞ്ഞെടുപ്പ് മത്സരരംഗത്തേക്ക് പ്രവേശിക്കും. അദ്ദേഹം മൂന്ന് പൊതുയോഗങ്ങളെ അഭിസംബോധന ചെയ്യും.
അതേ സമയം തിരഞ്ഞെടുപ്പിന് മുന്നോടിയായി ആർജെഡി നിർണായക നടപടികളിലേക്ക് കടന്നു. പാർട്ടി വിരുദ്ധ പ്രവർത്തനങ്ങളിൽ ഏർപ്പെട്ടതിന് രണ്ട് എംഎൽഎമാരും അഞ്ച് മുൻ എംഎൽഎമാരും ഉൾപ്പെടെ 27 നേതാക്കളെ ആറ് വർഷത്തേക്ക് പുറത്താക്കി.
