മുംബൈ: മഹാരാഷ്ട്രയിലെ സതാരയില് കൈവെള്ളയില് ആത്മഹത്യാ കുറിപ്പെഴുതി വച്ച് യുവ ലേഡിഡോക്ടര് ജീവനൊടുക്കിയ സംഭവത്തില് പ്രതിസ്ഥാനത്തുള്ള പ്രശാന്ത് ബങ്കറെ പൊലീസ് അറസ്റ്റു ചെയ്തു. അതേസമയം ഡോക്ടറും ബലാല്സംഗ ആരോപണത്തെത്തുടര്ന്ന് സസ്പെന്ഷനിലായ സബ് ഇന്സ്പെക്ടര് ഗോപാല് ബദാനും ബന്ധുക്കളാണെന്ന് പൊലീസ് അറിയിച്ചു. പ്രശാന്ത് ബങ്കര് വീട്ടുടമസ്ഥന്റെ മകനുമാണ്. ഗോപാല് ബദാന് നാലുതവണ ബലാല്സംഗം ചെയ്തുവെന്നും പ്രശാന്ത് മാനസികവും ശാരീരികവുമായി പീഡിപ്പിച്ചെന്നുമാണ് ആത്മഹത്യാകുറിപ്പില് പറഞ്ഞിരുന്നത്.
ഒക്ടോബര് 23നാണ് തൂങ്ങിമരിച്ച നിലയില് ഹോട്ടല് മുറിയില് ഡോക്ടറുടെ മൃതദേഹം കണ്ടെത്തിയത്. കൈപ്പത്തിയില് മറാത്തിയില് എഴുതിയ ഒരു കുറിപ്പ് ഉണ്ടായിരുന്നു. സംഭവത്തില് ഫാല്ട്ടണ് സിറ്റി പോലീസ് സ്റ്റേഷനിലെ ഗോപാല് ബദാന് എന്ന സബ് ഇന്സ്പെക്ടറെ സര്ക്കാര് തല്ക്ഷണം സസ്പെന്ഡു ചെയ്തിരുന്നു.
സതാരയിലെ ഫാല്ട്ടാന് പ്രദേശത്തെ സര്ക്കാര് ആശുപത്രിയില് കരാര് അടിസ്ഥാനത്തില് മെഡിക്കല് ഓഫീസറായി ജോലി ചെയ്യുകയായിരുന്നു യുവതി. ഡോക്ടറുടെ കുടുംബത്തിന്റെ പരാതിയില് ബലാത്സംഗം, ആത്മഹത്യാ പ്രേരണ എന്നീ കുറ്റങ്ങള് ചുമത്തി ഇരുവര്ക്കുമെതിരെ എഫ്ഐആര് രജിസ്റ്റര് ചെയ്തതായി സത്താറ പോലീസ് സൂപ്രണ്ട് പറഞ്ഞു .
ലേഡിഡോക്ടറുടെ ആത്മഹത്യയില് ഒളിവിലായിരുന്ന പ്രതി അറസ്റ്റില്, മാനഭംഗപ്പെടുത്തിയ ഇന്സ്പെക്ടര് ബന്ധു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.