ചെന്നൈ: കോഴിപ്പോര് കുറ്റകരമെന്ന് മദ്രാസ് ഹൈക്കോടതി. മനുഷ്യര് സംഘടിപ്പിക്കുന്ന മൃഗ പോരാട്ടത്തിനെതിരെ മൃഗങ്ങളോടുള്ള ക്രൂരത തടയല് നിയമത്തില് വ്യക്തമായി നിര്വചിച്ചിട്ടുണ്ടെന്നും അതിനാല് കോഴിപ്പോര് നടത്താന് നിയമപരമായ അവകാശമില്ലെന്നും സാംസ്കാരിക പദവി നല്കാനാവില്ലെന്നും കോടതി വ്യക്തമാക്കി. മൃഗങ്ങളോടുള്ള ക്രൂരത തടയല് നിയമത്തിലെ സെക്ഷന് 11(1)( എം)(ii) , സെക്ഷന് 11(1)(എന്) എന്നിവ മറ്റ് മൃഗങ്ങളുമായി പോരാടാന് ഏതെങ്കിലും മൃഗത്തെ പ്രേരിപ്പിക്കുന്നതിനോ ഉപയോഗിക്കുന്നതിനോ അനുവദിക്കുന്നില്ലെന്ന് ജസ്റ്റിസ് ജി.ആര്. സ്വാമിനാഥന് വ്യക്തമാക്കി.
കോഴിപ്പോര് വിനോദത്തിനു വേണ്ടി മാത്രമുള്ളതാണെന്ന മധുര ജില്ലാ കളക്ടറുടെ നിലപാടിനെതിരെയാണ് മധുര സ്വദേശി മൂവേന്തന് കോടതിയെ സമീപിച്ചത്.
