പട് ന: ലാലുപ്രസാദ് യാദവിന്റെ മകന് തേജസ്വി യാദവും രാഹുല് ഗാന്ധിയും നേതൃത്വം നല്കുന്ന മഹാഘട്ബന്ധന് മുന്നണി അനുദിനം തകരുകയാണ്. പിന്നാക്കക്കാര്ക്ക് മത്സരിക്കാന് മതിയായ സീറ്റുകള് വിട്ടുകൊടുത്തില്ലെന്ന കാരണം ചൂണ്ടിക്കാട്ടി പിന്നാക്ക വിഭാഗത്തില് പെട്ട 50 പേരോളം ആര്ജെഡി വിട്ടു.
ബീഹാറിലെ ദര്ഭംഗ ജില്ലയില് മുതിര്ന്ന നേതാക്കളാണ് ആര്ജെഡി വിട്ടുപോകുന്നത്. ഇത് തേജസ്വി യാദവിനും പാര്ട്ടിക്കും വലിയ ക്ഷീണമാണ്. പിന്നാക്ക വിഭാഗത്തില് പെടുന്നവര്ക്ക് സീറ്റ് നല്കിയില്ലെന്ന കാരണം പറഞ്ഞാണ് നേതാക്കള് പാര്ട്ടി വിടുന്നത്.
കഴിഞ്ഞ 28 വര്ഷമായി ഒരു പിന്നോക്കക്കാരനും മത്സരിക്കാന് സീറ്റ് നല്കുകയുണ്ടായില്ലെന്ന് പറഞ്ഞുകൊണ്ടാണ് ആര്ജെഡിയിലെ ഒരു നേതാവ് പാര്ട്ടി വിട്ടത്. ദര്ഭംഗയിലെ പിന്നാക്കക്കാരില് നിന്നുള്ള 50 പേരോളം ആര്ജെഡി വിട്ടിരിക്കുകയാണ്. ഇതോടെ പിന്നോക്കവിഭാഗങ്ങള്ക്കിടയില് വലിയ രോഷം ലാലുപ്രസാദ് യാദവിന്റെ മകനെതിരെ ഉയരുകയാണ്. ബീഹാറിലെ മുഖ്യമന്ത്രി സ്ഥാനാര്ത്ഥിയായി കഴിഞ്ഞ ദിവസം തന്റെ പേര് സ്വയം പ്രഖ്യാപിച്ച ആളാണ് തേജസ്വി യാദവ്.
എന്തായാലും ദളിതരോടുള്ള രാഹുല് ഗാന്ധിയുടെയും തേജസ്വി യാദവിന്റെയും സ്നേഹം അധികാരത്തിന് വേണ്ടി മാത്രമാണെന്നത് ഒരിയ്ക്കല് കൂടി തെളിഞ്ഞിരിക്കുകയാണ്.
