കുറച്ചുകാലമായി അഭിനയത്തിൽ നിന്ന് വിട്ടുനിൽക്കുന്ന നടൻ അജിത് കുമാർ ഇപ്പോൾ കാർ റേസിംഗിലാണ് ശ്രദ്ധ കേന്ദ്രീകരിക്കുന്നത്. അടുത്തിടെ, അജിത് കുടുംബത്തോടൊപ്പം ക്ഷേത്രത്തിൽ പോയ ഒരു ചിത്രം ഇപ്പോൾ സോഷ്യൽ മീഡിയയിൽ വൈറലായിരിക്കുകയാണ്. ചിത്രത്തിൽ അജിത്തിന്റെ നെഞ്ചിൽ ടാറ്റൂ ചെയ്ത ഭഗവതിയുടെ ചിത്രമാണ് ഇപ്പോൾ ശ്രദ്ധ നേടുന്നത് .ഭാര്യ ശാലിനിയ്ക്കും , മകനുമൊപ്പമാണ് താരം എത്തിയത്.
പാലക്കാട് പെരുവെമ്പ ഗ്രാമത്തിലെ ഊട്ടുകുളങ്ങര ഭഗവതി ക്ഷേത്രത്തിലാണ് അജിത് തൊഴാൻ എത്തിയത് . അജിതിന്റെ കുടുംബത്തിന് ഈ ക്ഷേത്രവുമായി ബന്ധമുണ്ടെന്നാണ് സൂചന . ഈ ദേവിയുടെ ചിത്രമാണ് അജിത് ടാറ്റൂ ചെയ്തിരിക്കുന്നതെന്നാണ് ആരാധകർ പറയുന്നത് .
നടൻ അജിത് കുമാർ വർഷത്തിൽ ഒരിക്കലെങ്കിലും ഈ സ്ഥലം സന്ദർശിക്കാറുണ്ടെന്നും സമീപകാലത്ത് ഇടയ്ക്കിടെ ഇവിടെ സന്ദർശിക്കാറുണ്ടെന്നും ക്ഷേത്രം ഭരണകൂടം അറിയിച്ചു.
