പട് ന: രാഹുല് ഗാന്ധിയ്ക്കും കോണ്ഗ്രസിനും പുല്ലുവില കല്പിച്ച് ആര്ജെഡി നേതാക്കളായ ലാലു പ്രസാദ് യാദവും തേജസ്വി യാദവും. ബീഹാറില് രാഷ്ട്രീയജനതാദള് (ആര്ജെഡി) യുവനേതാവ് തേജസ്വി യാദവുമായി ചേര്ന്ന് വോട്ട് അധികാര് യാത്ര നടത്തിയെങ്കിലും രാഹുല് ഗാന്ധിയെ ഒരു സുപ്രധാന രാഷ്ട്രീയ ശക്തിയായി കാണാന് ആര്ജെഡി തയ്യാറല്ല.
2020ല് 70 സീറ്റുകള് കോണ്ഗ്രസിന് അനുവദിച്ചെങ്കിലും അഞ്ച് വര്ഷത്തിനിപ്പുറം 2025ലെ നിയമസഭാ തെരഞ്ഞെടുപ്പില് 50 സീറ്റ് മാത്രമേ നല്കാന് കഴിയൂ എന്ന വാദത്തില് തേജസ്വി യാദവ് ഉറച്ചുനില്ക്കുകയാണ്. ഇതോടെ മുഖം രക്ഷിക്കാന് 60 സീറ്റുകള്ക്ക് വേണ്ടി രാഹുല് ഗാന്ധി ലാലുപ്രസാദ് യാദവിനോട് കെഞ്ചിയതായും റിപ്പോര്ട്ടുണ്ട്.
ആര്ജെഡിയുടെ വാലില് തൂങ്ങുകയാണ് കോണ്ഗ്രസ് എന്ന് വ്യക്തമാക്കുന്ന കാര്യമാണ് ഏറ്റവുമൊടുവില് കോണ്ഗ്രസിന്റെ ഭാഗത്ത് നിന്നും പുറത്തുവന്നത്. തേജസ്വി യാദവിനെ മുഖ്യമന്ത്രി സ്ഥാനാര്ത്ഥിയായി പ്രഖ്യാപിക്കുകയായിരുന്നു കോണ്ഗ്രസ്. ഇങ്ങിനെയെങ്കിലും തേജസ്വി യാദവിനെ സന്തോഷിപ്പിച്ചാല് കൂടുതല് സീറ്റുകള് കിട്ടുമെന്നാണ് രാഹുല് ഗാന്ധി കരുതുന്നത്. കോണ്ഗ്രസ് നേതാവും മുന് ഛത്തീസ്ഗഢ് മുഖ്യമന്ത്രിയുമായ ഭൂപേഷ് ബാഗേല് ആണ് തേജസ്വി യാദവിനെ മഹാഘട്ബന്ധന് മുന്നണിയുടെ മുഖ്യമന്ത്രി സ്ഥാനാര്ത്ഥിയായി വെള്ളിയാഴ്ച പ്രഖ്യാപിച്ചത്.
മാത്രമല്ല, കോണ്ഗ്രസിന്റെ മൂല്യച്യുതി വെളിവാക്കിക്കൊണ്ട് ബീഹാറിലെ കോണ്ഗ്രസ് അധ്യക്ഷന് രാജേഷ് റാം ബീഹാറിലെ ബിക്രം എന്ന നിയമസഭാ സീറ്റ് അഞ്ച് കോടി രൂപ വാങ്ങി ഇഷ്ടസ്ഥാനാര്ത്ഥിക്ക് വിറ്റു എന്ന വാര്ത്തയും പുറത്തുവരികയാണ്. ബിക്രം സീറ്റിലെ സിറ്റിങ്ങ് എംഎല്എ കോണ്ഗ്രസുകാരനായ സിദ്ധാര്ത്ഥ് സൗരഭ് ആണ്. പക്ഷെ സിദ്ധാര്ത്ഥ് സൗരഭ് ഈയിടെ ബിജെപിയിലേക്ക് മാറി. ബിക്രമില് സിറ്റിങ്ങ് സ്ഥാനാര്ത്ഥിയായി മത്സരിക്കുന്നത് സിദ്ധാര്ത്ഥ് സൗരഭ് ആണ്.
ബിക്രം നിയമസഭാസീറ്റില് വെള്ളിയാഴ്ച കോണ്ഗ്രസ് സ്ഥാനാര്ത്ഥിയായി പ്രഖ്യാപിച്ചത് അനില് കുമാറിനെയാണ്. ഇയാള് പപ്പുയാദവ് എന്ന ക്രിമിനല് രാഷ്ട്രീയനേതാവിന്റെ ബിനാമിയാണെന്ന് പറയുന്നു. ഇയാളുടെ സ്ഥാനാര്ത്ഥിത്വത്തിന് ബീഹാര് കോണ്ഗ്രസ് അധ്യക്ഷന് രാജേഷ് റാം അഞ്ച് കോടി രൂപ കൈക്കൂലിയായി വാങ്ങിയെന്നാണ് ആരോപണം.
ഇതിന്റെ പേരില് കഴിഞ്ഞ രാത്രിയില് ബീഹാറിലെ പട് ന വിമാനത്താവളത്തില് പപ്പു യാദവിന്റെ അനുയായികളും മറ്റൊരു വിഭാഗം കോണ്ഗ്രസ് പ്രവര്ത്തകരും തമ്മില് ഏറ്റുമുട്ടല് നടന്നിരുന്നു. ബീഹാര് കോണ്ഗ്രസ് അധ്യക്ഷന് രാജേഷ് റാം സീറ്റു ചര്ച്ചകള്ക്ക് ശേഷം ദല് ഹിയില് നിന്നും പട് ന വിമാനത്താവളത്തില് വന്നിറങ്ങിയപ്പോഴായിരുന്നു ഈ തമ്മില്ത്തല്ല്. ഇതും രാഹുല് ഗാന്ധിയുടെയും കോണ്ഗ്രിസന്റെയും ജനപ്രിയത കെടുത്തിയിരിക്കുകയാണ്.
