തിരുവനന്തപുരം : ഹിജാബ് ധരിച്ച് പഠനം തുടരാന് പെണ്കുട്ടികള്ക്ക് സ്കൂള് അധികൃതര് അനുമതി നല്കണമെന്ന വിദ്യാഭ്യാസ മന്ത്രി വി ശിവന്കുട്ടിയുടെ പ്രസ്താവന സർക്കുലർ ആയി നൽകണമെന്ന് SDPI . മാത്രമല്ല അത് കർശനമായി നടപ്പിലാക്കാന് നിര്ദ്ദേശം നല്കണമെന്നും എസ്ഡിപിഐ സംസ്ഥാന പ്രസിഡന്റ് സിപിഎ ലത്തീഫ് ആവശ്യപ്പെട്ടു.
സര്ക്കാര് ഈ വിഷയത്തില് തുടര്ന്നും ജാഗ്രത പുലര്ത്തുമെന്നുമുള്ള വിദ്യാഭ്യാസ മന്ത്രിയുടെ നിലപാട് അഭിലഷണീയമാണ്. മന്ത്രിയുടെ പ്രസ്താവന സര്ക്കാരിന്റെ നിലപാടാണ്. അത് നടപ്പിലാക്കാന് സര്ക്കാരിന് ബാധ്യതയുണ്ടെന്നും ലത്തീഫ് പറയുന്നു.
വിശ്വാസ, ആരാധനാ സ്വാതന്ത്ര്യം ഭരണഘടന ഉറപ്പാക്കുന്ന മൗലീകാവകാശമാണ്. സംസ്ഥാനത്തെ എയിഡഡ്, അണ് എയിഡഡ് വിദ്യാഭ്യാസ സ്ഥാപനങ്ങളില് ഭരണഘടനാപരമായ അവകാശം സംരക്ഷിക്കണമെന്നാവശ്യപ്പെട്ട് സര്കുലര് ഇറക്കാന് സര്ക്കാര് തയ്യാറാവണമെന്നും എസ്ഡിപിഐ സംസ്ഥാന പ്രസിഡന്റ് ആവശ്യപ്പെട്ടു.
