കൊച്ചി: പറവൂര് നീണ്ടൂരില് അമ്പലപ്പറമ്പില് കളിച്ചു കൊണ്ടിരിക്കെ മൂന്നര വയസുകാരിയെ കടിച്ച തെരുവുനായയ്ക്ക് പേ വിഷബാധ സ്ഥിരീകരിച്ചു. സ്വകാര്യ ആശുപത്രിയില് തീവ്രപരിചരണ വിഭാഗത്തില് കഴിയുകയാണ് കുട്ടി.
കുട്ടിക്ക് തിങ്കളാഴ്ച ശസ്ത്രക്രിയ നടത്തിയിരുന്നു. കുട്ടിയുടെ അറ്റുപോയ ചെവി എറണാകുളത്തെ സ്വകാര്യ ആശുപത്രിയില് വച്ച് തുന്നിച്ചേര്ത്തു. ഞായറാഴ്ച വൈകുന്നേരം വീടിന് സമീപമുള്ള അമ്പലപ്പറമ്പില് കളിച്ചു കൊണ്ടിരിക്കവെയാണ് കുട്ടിയെ നായ ആക്രമിച്ചത്.
കുട്ടിക്ക് പേവിഷ പ്രതിരോധ കുത്തിവെപ്പ് നല്കിയിട്ടുണ്ട്. നായയെ നാട്ടുകാര് തല്ലിക്കൊന്നു. സ്ഥലത്ത് തെരുവുനായ ശല്യം രൂക്ഷമാണെന്ന് നാട്ടുകാര് പറഞ്ഞു.
