ചെന്നൈ: തമിഴ്നാട്ടില് വീണ്ടും ദുരഭിമാന കൊലപാതകം. ദിണ്ടിഗലില് 24 വയസ്സുകാരനെ ഭാര്യാപിതാവ് വെട്ടിക്കൊന്നു. രാമനായകംപട്ടി ഗ്രാമത്തില് നിന്നുള്ള പിന്നാക്ക സമുദായത്തില് പെട്ട രാമചന്ദ്രനാണ് കൊല്ലപ്പെട്ടത്. സംഭവത്തില് ഭാര്യാപിതാവ് ചന്ദ്രനെ പൊലീസ് അറസ്റ്റ് ചെയ്തു. മൂന്ന് വര്ഷത്തെ പ്രണയത്തിന് ശേഷം മുന്നോക്ക സമുദായത്തില് നിന്നുള്ള 21 കാരി ആരതിയെ വിവാഹം കഴിച്ചതിനെച്ചൊല്ലി രാമചന്ദ്രന് ഭീഷണി നേരിട്ടിരുന്നതായി പൊലീസ് പറഞ്ഞു. ആരതിയുടെ കുടുംബത്തിന്റെ എതിര്പ്പിനെത്തുടര്ന്ന് അവര് ഒളിച്ചോടിയാണ് വിവാഹം കഴിച്ചത്.
കഴിഞ്ഞ ദിവസം തന്റെ തൊഴിലിന്റെ ഭാഗമായി പാല് ശേഖരിക്കാന് രാമചന്ദ്രന് സ്കൂട്ടറില് പോകുമ്പോള്, ആരതിയുടെ പിതാവ് ചന്ദ്രന് തടഞ്ഞുനിര്ത്തുകയും അരിവാള് കൊണ്ട് വെട്ടുകയുമായിരുന്നു. രാമചന്ദ്രന് തല്ക്ഷണം മരിച്ചു.
തമിഴ്നാട്ടില് സമീപ മാസങ്ങളില് വിജാതീയ വിവാഹവുമായി ബന്ധപ്പെട്ട് കൊല്ലപ്പെടുന്ന മൂന്നാമത്തെ കേസാണിത്. ജൂലൈയില്, ഐടി ജീവനക്കാരനായ കവിന് സെല്വഗണേഷും സെപ്റ്റംബറില് വൈരമുത്തുവും സമാനമായ രീതിയില് കൊല്ലപ്പെട്ടിരുന്നു.
യുവാവിനെ ഭാര്യാപിതാവ് വെട്ടിക്കൊന്നു, തമിഴ്നാട്ടില് നാലുമാസത്തിനിടെ മൂന്നാമത്തെ ദുരഭിമാന കൊല
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.