തിരുവനന്തപുരം:ശബരിമല സ്വര്ണക്കൊള്ളയുമായി ബന്ധപ്പെട്ട് ക്രൈബ്രാഞ്ച് ആസ്ഥാനത്ത് എടുത്ത കേസ് പ്രത്യേക സംഘത്തിന് കൈമാറും. ക്രൈംബ്രാഞ്ച് മേധാവിയായ എച്ച് വെങ്കിടേഷാണ് പ്രത്യേക അന്വേഷണ സംഘത്തിന്റെയും മേധാവി.
സംസ്ഥാന അടിസ്ഥാനത്തില് അന്വേഷണ അധികാരമുള്ളതിനാലാണ് ക്രൈംബ്രാഞ്ച് കേസെടുത്തത്. ഉണ്ണികൃഷ്ണണ് പോറ്റിയും സഹായികളും ദേവസ്വം ഉദ്യോഗസ്ഥരും ഉള്പ്പടെ കേസില് പത്ത് പേര് പ്രതികളുണ്ട്. ഉണ്ണികൃഷ്ണന് പോറ്റിയാണ് ഒന്നാം പ്രതി.
കവര്ച്ച, വ്യാജരേഖ ചമക്കല്, വിശ്വാസ വഞ്ചന, ഗൂഡാലോചന എന്നീ കുറ്റങ്ങളാണ് ചുമത്തിയത്.
ഹൈക്കോടതി നിര്ദേശ പ്രകാരമാണ് കേസെടുത്തത്. ദേവസ്വം ബോര്ഡിലെ ഇപ്പോള് സസ്പന്ഷനിലുളള മുരാരി ബാബു ഉള്പ്പടെയുള്ള ഉന്നത ഉദ്യോഗസ്ഥരും കേസില് പ്രതികളാണ്.ഉണ്ണികൃഷ്ണന് പോറ്റിയുടെ രണ്ട് സുഹൃത്തുക്കളെയും കേസില് പ്രതി ചേര്ത്തിട്ടുണ്ട്. കസ്റ്റഡി അടക്കം നടപടികളിലേക്ക് കടന്നേക്കും.
എസ്ഐടി സംഘം പത്തനംതിട്ട കേന്ദ്രീകരിച്ച് ക്യാമ്പ് ചെയ്ത് ഞായറാഴ്ച മുതല് അന്വേഷണം ആരംഭിക്കും.സ്മാര്ട്ട് ക്രിയേഷന്സ് ഉള്പ്പടെ കേസില് പ്രതി സ്ഥാനത്തുളള സാഹചര്യത്തില് സംസ്ഥാനത്തിന് പുറത്തേക്കും അന്വേഷണം വ്യാപിപ്പിക്കും. ദേവസ്വം വിജിലന്സിന്റെ കണ്ടെത്തല് അതെ രീതിയില് തന്നെ എഫ്ഐആറില് ഉണ്ട്.
