തിരുവനന്തപുരം: കേരളത്തിലെ മഹാക്ഷേത്രങ്ങള് ഇന്ന് ഇലൂമിനാറ്റിയുടെ പിടിയിലാണെന്ന് പ്രമുഖ മാധ്യമ പ്രവര്ത്തകന് രാജേഷ് പിള്ള..ക്രിസ്തുമതത്തെ ഇല്ലാതാക്കാന് 18-ാം നൂറ്റാണ്ടില് രൂപീകരിക്കപ്പെട്ട രഹസ്യസംഘത്തിന്റെ ഒരു സ്വദേശിപതിപ്പ്…
കുറിയിട്ട തന്ത്രിയും കുറിയിടാത്ത മന്ത്രിയും, കുറി ഉണ്ടാക്കാന് ബംഗ്ലാദേശിയെ ഏല്പ്പിക്കുന്ന ശാന്തിയും അരിവാള് ചുറ്റിക പച്ചകുത്തിയ ക്ഷേത്രകാവല്ക്കാരനുമൊക്കെ ഈ ഇലുമിനാറ്റിയുടെ ഭാഗമാണ്… രാജേഷ് പറഞ്ഞു.
കവര്ച്ചക്കൊപ്പം ക്ഷേത്രങ്ങളിലെ ചൈതന്യം നശിപ്പിക്കാനുള്ള ക്വട്ടാഷനും ഇവര് ഏറ്റെടുത്തിട്ടുണ്ട് എന്ന് സംശയിക്കണം… ഒരു മഹാക്ഷേത്രത്തില് സമര്പ്പിക്കാന് വേണ്ടി സമീപമുള്ള കടയില് നിന്ന് മേടിച്ച നിലവിളക്ക് ഒന്ന് തുടച്ച് വൃത്തിയാക്കി കൊടുക്കാന് വേണ്ടി പിരി ഊരി മാറ്റിയപ്പോള് അതില് ഒരു എല്ലിന് കഷണം തിരുകി വച്ചിരുന്നത് കിട്ടിയെന്ന് ഒരാള് കഴിഞ്ഞ ദിവസം പറഞ്ഞു. ക്ഷേത്രം ഏതെന്ന് ഇപ്പോള് പറയുന്നില്ല..ബാക്കി പൂജ ദ്രവ്യങ്ങളുടെ കാര്യം പറയുകയും വേണ്ട..
പുറത്ത് വന്നതിലും എത്രയോ കൂടുതല് കൊള്ളരുതായ്മകള് ആണ് ദേവസ്വം നാലമ്പലത്തിനുള്ളില് നടക്കുന്നത്… അമ്പലത്തില് അലങ്കാരങ്ങള് ഉണ്ടാക്കാനും സ്വര്ണം പൊതിയാനും സ്പോണ്സര്മാരെ പിടിക്കാന് നടക്കുന്ന ഒരുത്തനും ദേവചൈതന്യം നിലനിര്ത്താന് അത്യാവശ്യമായ ദ്രവ്യശുദ്ധി ഉറപ്പാക്കാന് ഇക്കാലമത്രയും എന്തെങ്കിലും ചെയ്തതായി അറിവില്ല..
വിശ്വാസം ഉണ്ടെങ്കില് അല്ലെ അത്തരം ബാധ്യതകള് ഉള്ളൂ. അതിപ്പോള് മന്ത്രിയായാലും തന്ത്രിയയാലും- രാജേഷ് പിള്ള ഫേസ് ബുക്കില് കുറിച്ചു.
‘ഇലൂമിനാറ്റി’ (കഹഹൗാശിമശേ) എന്നത് ആധുനിക ലോകചരിത്രത്തിലും ഗൂഢാലോചനാ സിദ്ധാന്തങ്ങളിലും പ്രധാനമായി ചര്ച്ചചെയ്യപ്പെടുന്ന സംഘടനയാണ്. 1776ല് ജര്മ്മനിയിലെ ബവേറിയയില് ആഡം വൈസ്ഹൗപ്റ്റ് എന്ന പ്രൊഫസര് സ്ഥാപിച്ച സംഘത്തിന്റെ ലക്ഷ്യം മതാധിപത്യത്തെയും രാജഭരണത്തെയും വെല്ലുവിളിച്ച് ബുദ്ധിവാദം, സ്വാതന്ത്ര്യം, സമത്വം എന്നിവ പ്രചരിപ്പിക്കാനായിരുന്നു. എന്നാല് കാലക്രമത്തില് ഈ സംഘം ക്രിസ്തുമതത്തെയും ചര്ച്ച് അധികാരത്തെയും തകര്ക്കാനുള്ള രഹസ്യ നീക്കങ്ങളുമായി ബന്ധപ്പെട്ടു.
ഇലൂമിനാറ്റി ചര്ച്ചിനെ ദുര്ബലപ്പെടുത്താനും മതാധിഷ്ഠിത മൂല്യങ്ങളെ ചോദ്യം ചെയ്യാനും ലക്ഷ്യമിട്ടതായി പല ചരിത്രരേഖകളും സൂചിപ്പിക്കുന്നു. സഭയുടെ നിയന്ത്രണത്തില് നിന്നും സമൂഹത്തെ മോചിപ്പിക്കാന് അവര് രഹസ്യമായി പ്രവര്ത്തിച്ചു. ഫ്രഞ്ച് വിപ്ലവം പോലെയുള്ള ചരിത്ര സംഭവങ്ങളിലും ഇവര് രഹസ്യമായി പങ്കെടുത്തുവെന്ന വാദങ്ങളും നിലനില്ക്കുന്നു.
ഇന്നത്തെ ലോകത്ത് ‘ഇലൂമിനാറ്റി’ എന്ന പേര് ആഗോള രാഷ്ട്രീയത്തെയും സാമ്പത്തിക സംവിധാനങ്ങളെയും നിയന്ത്രിക്കുന്ന രഹസ്യ ശക്തികളുടെ പ്രതീകമായി മാറിയിട്ടുണ്ട്. വത്തിക്കാനെയും ക്രിസ്തുമതത്തെയും തകര്ക്കാനുള്ള ഇവരുടെ ദീര്ഘകാല ലക്ഷ്യങ്ങള് ഇന്നും ചില വിഭാഗങ്ങള് മുന്നോട്ട് വയ്ക്കുന്നു
