വാഷിങ്ടൺ ∙ യുഎസ് സർക്കാർ പ്രവർത്തനങ്ങൾക്ക് ആവശ്യമായ വാർഷിക ഫണ്ടിങ് കോൺഗ്രസിലൂടെ പാസാകാതിരിക്കുമെന്ന ഭീതിയിൽ രാജ്യം സർക്കാർ അടച്ചുപൂട്ടലിലേക്കാണ് (ഷട്ട്ഡൗൺ) നീങ്ങുന്നത്. പ്രസിഡന്റ് ഡോണൾഡ് ട്രംപ് തന്നെ ഇക്കാര്യം സ്ഥിരീകരിച്ചു. “ഒരു അടച്ചുപൂട്ടൽ ഉണ്ടായേക്കാം, എന്നാൽ അത്തരം സാഹചര്യത്തിൽ എന്റെ ഭരണകൂടം തിരിച്ചുപോക്കില്ലാത്ത മാറ്റങ്ങൾ കൊണ്ടുവരും,” എന്ന് ട്രംപ് വൈറ്റ് ഹൗസിൽ മാധ്യമപ്രവർത്തകരോട് പറഞ്ഞു.
1981 മുതൽ ഇതുവരെ യുഎസിൽ 14 തവണ സർക്കാർ അടച്ചുപൂട്ടൽ നേരിട്ടിട്ടുണ്ട്. ഇപ്പൊഴിതു 15ാമത്തെത്തന്നെയാണ്. ഏറ്റവും നീണ്ടുനിന്നത് 2018–19 കാലയളവിലുണ്ടായ 35 ദിവസത്തെ ഭരണസ്തംഭനമായിരുന്നു. ഇത്തവണയും ഫെഡറൽ സർക്കാരിന്റെ പ്രവർത്തനങ്ങൾക്കുള്ള ധനസഹായം അനുവദിക്കുന്ന വാർഷിക ബില്ലുകൾ സെപ്റ്റംബർ 30നകം കോൺഗ്രസിലൂടെ പാസാകാത്ത പക്ഷം ഒക്ടോബർ 1 മുതൽ ഗവൺമെന്റ് ഷട്ട്ഡൗൺ ഉറപ്പാണ്.
ഫെഡറൽ സർക്കാരിന്റെ 12 വാർഷിക അപ്രോപ്രിയേഷൻ ബില്ലുകളാണ് വിവിധ വകുപ്പുകളുടെ പ്രവർത്തനത്തിന് ആവശ്യമായ ഫണ്ടിംഗ് ഉറപ്പാക്കുന്നത്. ഇവ കോൺഗ്രസിൽ പാസാകാതെയോ പാസാക്കിയ ബില്ലിൽ പ്രസിഡന്റ് ഒപ്പിടാതെയോ വന്നാൽ സർക്കാർ സേവനങ്ങൾ തടസ്സപ്പെടും. നിലവിൽ, ആരോഗ്യ മേഖലയിൽ ധനസഹായം, പ്രത്യേകിച്ച് ഒബാമകെയർ (Affordable Care Act) സബ്സിഡികൾ സംബന്ധിച്ചാണ് റിപ്പബ്ലിക്കൻ-ഡമോക്രാറ്റിക് പാർട്ടികൾ തമ്മിൽ കടുത്ത ഭിന്നത. ഡമോക്രാറ്റുകൾ സബ്സിഡികൾ നിലനിർത്തണമെന്ന് ആവശ്യപ്പെടുമ്പോൾ റിപ്പബ്ലിക്കൻസ് ശക്തമായി എതിർക്കുന്നു.
അത്യാവശ്യമല്ലാത്ത ജീവനക്കാർക്ക് താൽക്കാലികമായി ജോലി നഷ്ടപ്പെടും. ശമ്പളം ഷട്ട്ഡൗൺ കഴിഞ്ഞാൽ മാത്രമേ ലഭ്യമാവൂ.എയർ ട്രാഫിക് കൺട്രോളർമാർ, അതിർത്തി സംരക്ഷണ ഉദ്യോഗസ്ഥർ, സായുധസേനാംഗങ്ങൾ, എഫ്ബിഐ, ടിഎസ്എ ഏജന്റുമാർ തുടങ്ങി പലർക്കും ജോലി തുടർന്നാലും ശമ്പളം തടസ്സപ്പെടും.
ദേശീയോദ്യാനങ്ങൾ, സ്മിത്സോണിയൻ മ്യൂസിയങ്ങൾ അടക്കമുള്ള ഫെഡറൽ സ്ഥാപനങ്ങൾ അടച്ചുപൂട്ടും.പാസ്പോർട്ട്, വിസ, സോഷ്യൽ സെക്യൂരിറ്റി കാർഡുകൾ പോലുള്ള സേവനങ്ങളിൽ വലിയ കാലതാമസം ഉണ്ടാകും.ചെറുകിട ബിസിനസ് വായ്പകൾ, ഭക്ഷ്യ സഹായ പദ്ധതികൾ, ഗവേഷണ പദ്ധതികൾ തടസ്സപ്പെടും.
വിമാനത്താവളങ്ങളിലെ സുരക്ഷാ പരിശോധനകൾക്കും കൂടുതൽ സമയം വേണ്ടിവരും.
സാമ്പത്തിക പ്രതിഫലം:
