കൊച്ചി: ലോയേര്സ് കോണ്ഗ്രസ് മുന് നേതാവ് വിഎസ് ചന്ദ്രശേഖറിനെതിരെ ആലുവ സ്വദേശിനി നടി നല്കിയ പരാതി വ്യാജമെന്ന് പൊലീസ്. മുന് വൈരാഗ്യമാണ് പരാതിക്ക് പിന്നിലെന്നാണ് പൊലീസ് കണ്ടെത്തല്. കേസിലെ നടപടികള് അവസാനിപ്പിക്കണമെന്ന് ആവശ്യപ്പെട്ട് പൊലീസ് കോടതിയിയില് റിപ്പോര്ട്ട് നല്കി.
ഹേമാ കമ്മറ്റി റിപ്പോര്ട്ടില് മൊഴിയെടുത്തപ്പോഴാണ് ചന്ദ്രശേഖര് തന്നെ മറ്റൊരാള്ക്കൊപ്പം മുറിയില് പൂട്ടിയിടുകയും അയാള് തന്നെ ലൈംഗികമായി പീഡിപ്പിച്ചെന്നും നടി പരാതി നല്കിയത്. കൊച്ചി സെന്ട്രല് പൊലീസാണ് കേസെടുത്തത്.
2011ല് സംഭവിച്ചുവെന്ന് നടി ആരോപിക്കുന്ന സംഭവങ്ങളില് തെളിവൊന്നുമില്ലെന്നാണ് പൊലീസ് കരുതുന്നത്. മുകേഷ്, മണിയന്പിള്ള രാജു, ഇടവേള ബാബു തുടങ്ങിയര്ക്കൊപ്പമാണ് ചന്ദ്രശേഖറിനെതിരെയും നടി പരാതി നല്കിയത്.
