പെരുമ്പാവൂർ : രാസലഹരിയുമായി ആസാം സ്വദേശികൾ പിടിയിൽ. ആസ്സാം നൗഗോൺ സ്വദേശികളായ അർഫാൻ അലി (27) , ബഹാറുൾ ഇസ്ലാം (22) എന്നിവരെയാണ് പെരുമ്പാവൂർ പോലീസ് അറസ്റ്റ് ചെയ്തത്. ചൊവ്വാഴ്ച വൈകിട്ട് പള്ളിപ്രം പാക്കാട്ടുതാഴം ഭായി കോളനി റോഡിൽ നിന്നാണ് ഇവരെ പിടികൂടിയത്.
രണ്ട് പേരിൽ നിന്നുമായി 6.810 ഗ്രാം ഹെറോയിൻ കണ്ടെടുത്തു. അന്വേഷണസംഘത്തിൽ ഇൻസ്പെക്ടർ റ്റി.എം.സൂഫി, എസ് ഐ മാരായ റിൻസ് എം തോമസ്, അബ്ദുൽ ജലീൽ, എ എസ് ഐ രതീശൻ എന്നിവരാണ് ഉണ്ടായിരുന്നത്.
