ന്യൂയോര്ക്ക്: ക്രിക്കറ്റിലെ സുപ്രസിദ്ധ മുന് അമ്പയര്മാരില് ഒരാളായ ഹരോള്ഡ് ഡിക്കി ബേഡ് (92) അന്തരിച്ചു. ഇംഗ്ലണ്ടിലെ യോര്ക്ക്ഷയര് കൗണ്ടി ക്രിക്കറ്റ് ക്ലബ് ആണ് മരണം പ്രഖ്യാപിച്ചത്. ബേഡിന്റെ നര്മ്മബോധമാണ് ലോകമെമ്പാടുമുള്ള ക്രിക്കറ്റ് ആരാധകര്ക്ക് അദ്ദേഹത്തെ പ്രിയങ്കരനാക്കിയത്.
1973 ല് അമ്പയറായി തുടക്കംകുറിച്ച ഡിക്കി ബേര്ഡ് 66 ടെസ്റ്റ് മത്സരങ്ങളിലും 69 പുരുഷ ഏകദിന മത്സരങ്ങളിലും മൂന്ന് ലോകകപ്പ് ഫൈനലുകളിലും അമ്പയറായിരുന്നു, 1996 ല് വിരമിച്ചു. അവസാന ടെസ്റ്റിന് മുമ്പ് ലോര്ഡ്സ് ക്രിക്കറ്റ് ഗ്രൗണ്ടില് ഇംഗ്ലണ്ട്, ഇന്ത്യന് കളിക്കാര് അദ്ദേഹത്തിന് ഗാഡ് ഓഫ് ഓണര് നല്കി.
ആത്മകഥയുടെ ഒരു ദശലക്ഷത്തിലധികം കോപ്പികള് വിറ്റഴിച്ച ബേഡിനെ 2014 ല് യോര്ക്ക്ഷയര് പ്രസിഡന്റായി നിയമിച്ചു.
