ന്യൂദൽഹി: പ്രധാനമന്ത്രി നരേന്ദ്രമോദിക്ക് ഇന്ന് 75 ാം പിറന്നാളാണ്. ആഘോഷമില്ല, ആരവമില്ല, പകരം അവിശ്രമ പ്രവർത്തനമെന്ന പതിവ് പരിപാടികളുടെ തുടർച്ചയാണ് പ്രധാനമന്ത്രിക്ക് ഇന്നും.
പ്രധാനമന്ത്രിയായിരിക്കെ മുൻ പിറന്നാളുകളിൽ നരേന്ദ്രമോദി എങ്ങനെ, എവിടെ ആയിരുന്നു?
– 2014 ൽ പ്രധാനമന്ത്രിയായശേഷമുള്ള ആദ്യ ജന്മദിനവും അദ്ദേഹത്തിന്റെ 64 ാം ജന്മദിന വാർഷികവുമായിരുന്നു. അന്ന് ചൈനീസ് പ്രസിഡന്റ് ഷി ജിൻപിങ്ങിനെ അഹമ്മദാബാദിൽ സ്വീകരിക്കുകയും സബർമതി ആശ്രമവും സബർമതി നദീതീരവും അദ്ദേഹത്തിന് കാണിച്ചുകൊടുക്കുകയും ചെയ്തു. ചൈനയുമായുള്ള ഔദ്യോഗിക നയതന്ത്ര കാര്യങ്ങളിലുൾപ്പെടെയുള്ള ചർച്ചകളായിരുന്നു അന്ന്.
– 2015-ൽ തന്റെ 65-ാം ജന്മദിനത്തിൽ മോദി ‘ശൗര്യഞ്ജലി’ സന്ദർശിച്ചു. ‘1965 യുദ്ധത്തിന്റെ സുവർണ്ണ ജൂബിലിയുടെ സ്മരണാർത്ഥം സംഘടിപ്പിച്ച ശൗര്യഞ്ജലി പ്രദർശനത്തിൽ സമയം ചെലവഴിച്ചു.
– 2016-ൽ അദ്ദേഹം ഗുജറാത്തിലെ നവസാരിയിലേക്ക് വിമാനത്തിൽ പോയി ഒരു ചടങ്ങിൽ പങ്കെടുക്കുകയും ഭിന്നശേഷിക്കാർക്ക് സഹായം വിതരണം ചെയ്യുകയും ചെയ്തു.
– 2017-ൽ, ഗാന്ധിനഗറിൽ വച്ച് അമ്മയുടെ അനുഗ്രഹത്തോടെയാണ് പ്രധാനമന്ത്രി തന്റെ ദിവസം ആരംഭിച്ചത്. പിന്നീട്, സർദാർ സരോവർ അണക്കെട്ട് രാഷ്ട്രത്തിന് സമർപ്പിച്ച് കെവാഡിയയിൽ രാജ്യ വികസന പ്രവർത്തനത്തിൽ നയിച്ചു.
– 2018-ൽ, അദ്ദേഹം തന്റെ 68-ാം ജന്മദിനം തന്റെ പാർലമെന്ററി മണ്ഡലമായ വാരാണാസിയിൽ സ്കൂൾ കുട്ടികളോടൊപ്പം ആഘോഷിച്ചു.
– 2019 ൽ,69-ാം ജന്മദിനത്തിൽ മോദി ഗുജറാത്തിലെ ഏകതാ നഗറിലുള്ള സ്റ്റാച്യു ഓഫ് യൂണിറ്റി (സർദാർ പ്രതിമ) സന്ദർശിക്കുകയും ഒരു റാലിയെ അഭിസംബോധന ചെയ്യുകയും ചെയ്തു.
– 2020 – കൊവിഡ് ബാധിതമായിരുന്നു ലോകം. പ്രധാനമന്ത്രി ഔദ്യോഗിക വസതിയിലിരുന്ന് പ്രവർത്തനങ്ങൾ നടത്തി.
– 2021-ൽ, ഷാങ്ഹായ് സഹകരണ സംഘടനയുടെ (എസ്സിഒ) കൗൺസിൽ ഓഫ് ഹെഡ്സ് ഓഫ് സ്റ്റേറ്റ്സിന്റെ 21-ാമത് യോഗത്തിൽ അദ്ദേഹം വെർച്വലായി പങ്കെടുത്തു.
-2025 ഈ വർഷം, 72-ാം ജന്മദിനത്തിൽ, മോദി മധ്യപ്രദേശിലായിരുന്നു. അവിടെ നമീബിയയിൽ നിന്ന് കൊണ്ടുവരുന്ന 8 ചീറ്റകളെ കുനോ ദേശീയോദ്യാനത്തിലേക്ക് തുറന്നുവിട്ടു.
-2025 ഇന്ന് 75 ാം ജന്മദിനത്തിൽ മദ്ധ്യപ്രദേശിൽ വിവിധ വികസന പദ്ധതികൾ ഉദ്ഘാടനം ചെയ്യുകയാണ് പ്രധാനമന്ത്രി
