തിരുവനന്തപുരം: ജനറല് ആശുപത്രിക്ക് സമീപം ഫുട്പാത്തിലേക്ക് നിയന്ത്രണം വിട്ട കാര് പാഞ്ഞു കയറി ഉണ്ടായ അപകടത്തില് ഗുരുതര പരിക്കേറ്റ് ചികിത്സയിലായിരുന്ന മുട്ടത്തറ വള്ളക്കടവ് സ്വദേശിനി എസ്. ശ്രീപ്രിയ(23) മരിച്ചു. തിരുവനന്തപുരം മെഡിക്കല് കോളേജ് ആശുപത്രിയില് രാവിലെയാണ് മരണം .പരിക്കേറ്റ ഓട്ടോറിക്ഷ ഡ്രൈവര് ഷാഫി (42) അപകടമുണ്ടായി ഒരാഴ്ചയ്ക്ക് ശേഷം മരിച്ചു. ഓഗസ്റ്റ് 10നായിരുന്നു ജനറല് ആശുപത്രിക്ക് സമീപമുള്ള ഫുട്പാത്തില് നിയന്ത്രണം നഷ്ടപ്പെട്ട കാര് ഇടിച്ചുകയറിയത്.
വട്ടിയൂര്ക്കാവ് സ്വദേശി എ.കെ. വിഷ്ണുനാഥ് ഓടിച്ചിരുന്ന കാറാണ് ഫുട്പാത്തിലേക്ക് ഇടിച്ചു കയറിയത്. രണ്ട് കാല്നടക്കാരും മൂന്ന് ഓട്ടോ ഡ്രൈവര്മാരുമടക്കം ജനറല് ആശുപത്രിക്ക് മുന്നിലുണ്ടായിരുന്ന അഞ്ച് പേര്ക്കാണ് അപകടത്തില് പരിക്കേറ്റത്.
അപകടത്തില് പരിക്കേറ്റ മറ്റൊരു ഓട്ടോറിക്ഷ ഡ്രൈവറായ സുരേന്ദ്രന് ചികിത്സയില് തുടരുകയാണ്. ശാസ്താംകോട്ട സ്വദേശി ആഞ്ജനേയനും കുമാറും ആണ് അപകടത്തില് പരിക്കേറ്റ മറ്റുള്ളവര്.
