തിരുവനന്തപുരം: ‘കെ സ്റ്റോര്’ ആക്കുന്ന റേഷന് കടകളില് ഇനി മുതല് പാസ്പോര്ട്ടിന്റെ അപേക്ഷയും അക്ഷയ സെന്ററുകള് വഴിയുള്ള സേവനങ്ങളും ലഭിക്കുമെന്ന് ഭക്ഷ്യ സിവില് സപ്ലൈസ് വകുപ്പ് മന്ത്രി ജി ആര് അനില് .
ഗ്രാമ പ്രദേശത്ത് വസിക്കുന്ന സാധാരണക്കാര്ക്ക് അവശ്യ സേവനങ്ങള്ക്ക് വേണ്ടി പട്ടണങ്ങളിലേക്കുള്ള ദീര്ഘ ദൂര യാത്രകള് ഒഴിവാക്കാന് ഇതുവഴി സാധിക്കും . ആധാര് സേവനങ്ങള്, പെന്ഷന് സേവനങ്ങള്, ഇന്ഷുറന്സ് സേവനങ്ങള്, ടിക്കറ്റ് ബുക്കിംഗ് തുടങ്ങിയ സേവനങ്ങളെല്ലാം ഇനി കെ-സ്റ്റോര് വഴി ലഭ്യമാക്കും. നിലവില് 2300 ലധികം കടകള് കേരളത്തില് കെ സ്റ്റോര് ആയി. ഓണം കഴിയുമ്പോള് 14000 റേഷന് കടകളും ‘കെ സ്റ്റോര്’ ആക്കുയാണ് ലക്ഷ്യമെന്നും മന്ത്രി പറഞ്ഞു.
