മോദിയെ കണ്ടപ്പോൾ പൂച്ചക്കുട്ടിയെപ്പോലെ കൈകൂപ്പിനിന്നയാളാണ് വിജയ് ; പ്രധാനമന്ത്രിയെ അധിക്ഷേപിച്ച വിജയ്‌യുടെ മുഖത്തടിക്കുമെന്ന് രഞ്ജിത്ത്

ചെന്നൈ : ദളപതി വിജയ്‌യുടെ രാഷ്‌ട്രീയ പ്രസ്താവനകളെ വിമർശിച്ച് തമിഴ് നടൻ രഞ്ജിത്ത് . പ്രധാനമന്ത്രി നരേന്ദ്ര മോദിക്കെതിരെ അധിക്ഷേപിച്ച് സംസാരിച്ച വിജയ്യുടെ മുഖത്തടിക്കണമെന്ന് രഞ്ജിത്ത് പറഞ്ഞു. വിനായക ചതുർത്ഥി ആഘോഷ വേദിയിൽ സംസാരിക്കുകയായിരുന്നു അദ്ദേഹം

2014-ൽ കോയമ്പത്തൂരിൽവെച്ച് മോദിയെ കണ്ടപ്പോൾ പൂച്ചക്കുട്ടിയെപ്പോലെ കൈകൂപ്പിനിന്ന വിജയ്, ഇപ്പോൾ അദ്ദേഹത്തെ അധിക്ഷേപിക്കുന്നു. മുഖ്യമന്ത്രിയെ ‘അങ്കിൾ’ എന്നും പ്രധാനമന്ത്രിയെ ‘മിസ്റ്റർ’ എന്നും വിളിക്കുന്ന വിജയ്‌യുടെ രാഷ്‌ട്രീയ മര്യാദയെയും രഞ്ജിത്ത് ചോദ്യം ചെയ്തു. മോദി മുസ്ലീം ജനതയെ വഞ്ചിച്ചുവെന്ന വിജയ്‌യുടെ പ്രസ്താവന തെറ്റാണെന്നും അദ്ദേഹം പറഞ്ഞു.