തിരുവനന്തപുരം:ഗ്രാമീണ, നഗര തൊഴിലുറപ്പ് പദ്ധതി തൊഴിലാളികള്ക്ക് 1,200 രൂപവീതം ഓണസമ്മാനം ലഭിക്കുമെന്ന് ധനമന്ത്രി കെ.എന്. ബാലഗോപാല്.ഓണസമ്മാനം 200 രൂപ വര്ധിപ്പിച്ചു.
കഴിഞ്ഞ തവണ 1,000 രൂപവീതമാണ് നല്കിയത്. സംസ്ഥാനത്തെ 5,25,991 തൊഴിലാളികള്ക്കാണ് ആനുകൂല്യം ലഭിക്കുക.
ഗ്രാമീണ തൊഴിലുറപ്പ് പദ്ധതി തൊഴിലാളികള്ക്ക് ഓണ സമ്മാന വിതരണത്തിന് 51.96 കോടി രൂപ അനുവദിച്ചു. കഴിഞ്ഞ സാമ്പത്തിക വര്ഷം 100 പ്രവൃത്തിദിനം പൂര്ത്തിയാക്കിയ 5,19,623 പേര്ക്ക് ആനുകൂല്യം ലഭിക്കും.
സംസ്ഥാന സര്ക്കാരിന്റെ അയ്യന്കാളി നഗര തൊഴിലുറപ്പ് പദ്ധതിയില് കഴിഞ്ഞ സാമ്പത്തിക വര്ഷം 100 ദിവസമെങ്കിലും തൊഴിലെടുത്ത 6,368 തൊഴിലാളികള്ക്ക് ബത്ത ലഭിക്കും. ഇതിനായി 63.68 ലക്ഷം രൂപ അനുവദിച്ചിട്ടുണ്ട്.
