കീവ് : യുദ്ധമുഖത്ത് ദീര്ഘകാലം നില്ക്കുന്ന പട്ടാളക്കാരുടെ മനസ്സില് നേര്ത്ത വികാരങ്ങള് എല്ലാം മാഞ്ഞുപോകും. അവരുടെ മനസ്സില് മരവിപ്പായിരിക്കും. ആ മരവിപ്പില് പ്രതീക്ഷയുടേയും പച്ചപ്പിന്റെയും സംഗീതം നിറയ്ക്കുകയാണ് ശ്രീ ശ്രീ രവിശങ്കറിന്റെ ആര്ട് ഓഫ് ലിവിംഗ്.
യുദ്ധത്തിന്റെ മുറിവില് നിന്നും അമ്പരപ്പില് നിന്നും ആര്ട് ഓഫ് ലിവിംഗിന്റെ ധ്യാനവും ശ്വസനക്രിയകള് ഈ പട്ടാളക്കാരെ ശാന്തതയിലേക്ക് നയിക്കുന്നതായാണ് റിപ്പോര്ട്ടുകള്. യുദ്ധത്തിന്റെ കെടുതികളിലേക്ക് ആര്ട് ഓഫ് ലിവിംഗ് കടന്നുവരുമ്പോള് അതിന് ഇത്രമാത്രം മാറ്റങ്ങള് പട്ടാളക്കാരില് ഉണ്ടാക്കാന് കഴിയുമെന്ന് ആരും കരുതിയിരുന്നില്ല.
യുദ്ധത്തിന്റെ മുറിവകളില് നിന്നും ആശ്വാസം തേടി ഉക്രൈന് സൈനികര് ആര്ട് ഓഫ് ലിവിംഗ് ക്യാമ്പില് എത്തിയപ്പോള് ശ്രീ ശ്രീയുടെ അധ്യാകപര്ക്ക് അമ്പരന്നുപോയി. “അവരെ കണ്ടപ്പോള് എന്റെ ഹൃദയം തകര്ന്നുപോയി. പലര്ക്കും മുതുകിലും കൈകളിലും കാലുകളിലും ആഴത്തിലുള്ള മുറിവുണ്ടായിരുന്നു.”- ആര്ട് ഓഫ് ലിവിംഗിലെ അധ്യാപകന് പറയുന്നു. കാരണം ആ സൈനികരുടെ പ്രതികരണത്തില് സ്വാഭാവികമായ മനുഷ്യത്വവും മാനുഷികവികാരങ്ങളും വറ്റിപ്പോയിരുന്നു. പക്ഷെ ഏതാനും ക്ലാസുകള് കഴിയുമ്പോള് അവര് സ്വാസ്ഥ്യത്തിലേക്ക് എത്തിച്ചേരുകയാണ്.
2022 മുതല് ഇതുവരെ 8000 പട്ടാളക്കാര് ആര്ട് ഓഫ് ലിവിംഗ് ക്ലാസില് പങ്കെടുത്തു. പട്ടാളക്കാരില് ബ്രീത്തിംഗ് വ്യായാമം ഉണ്ടാക്കുന്ന മാറ്റങ്ങളില് ഉക്രൈന് സൈനികമേധാവികള് സംതൃപ്തരാണ്. 80 സെന്റിമീറ്റര് മാത്രം വീതിയുള്ള ഒരു കിടങ്ങില് ദിവസങ്ങളോളം റഷ്യയുടെ ഡ്രോണ് ആക്രമണത്തെ നേരിടേണ്ടി വന്ന ഒരു പട്ടാളക്കാരന് വാതംവന്നു. ശരീരം അനക്കാന് കഴിയാതായി. പക്ഷെ ആര്ട് ഓഫ് ലിംവിഗിലെ ഉജ്ജയിന് ബ്രീത് എന്ന പ്രത്യേക ശ്വാസമുറ ഇദ്ദേഹത്തെ പൂര്ണ്ണമായും സുഖപ്പെടുത്തിയതായി പറയുന്നു.
