ന്യൂദല്ഹി: ‘പ്രോജക്ട് 75 ഇന്ത്യ’ പ്രകാരം ആറു നൂതന അന്തര്വാഹിനി കപ്പലുകള് നിര്മ്മിക്കുന്നതിനായി ജര്മനിയുടെ തൈസന്ക്രൂപ്പ് മറൈന് സിസ്റ്റവുമായി ചര്ച്ചകള് ആരംഭിക്കാന് പ്രതിരോധ മന്ത്രാലയത്തിനും കേന്ദ്രാനുമതി. 70,000 കോടി രൂപയുടെ കരാറാണിത്. ഈ മാസം അവസാനത്തോടെ ചര്ച്ചകള് ആരംഭിക്കുമെന്നും ആറുമാസത്തിനുമസഗാവ് ഡോക്ക്ഷിപ്പ് ബില്ഡേഴ്സ് ലിമിറ്റഡിനുംള്ളില് കരാര് അന്തിമമാകുമെന്നുമാണ് പ്രതീക്ഷ. എയര് ഇന്ഡിപ്പെന്ഡന്റ് പ്രൊപ്പെല്ഷന് സംവിധാനങ്ങള് ഉള്ക്കൊള്ളുന്നവയാണ് ഈ അന്തര്വാഹിനികള്.
ഭാരതത്തിന്റെ അന്തര്വാഹിനി പദ്ധതികളും ഭാവിയിലെ ആവശ്യകതകളും ചര്ച്ച ചെയ്ത പ്രധാന പ്രതിരോധ ഉദ്യോഗസ്ഥരുടെ ഉന്നതതല യോഗത്തിലാണ് കരാര് തീരുമാനമായത്. അടുത്ത പത്തുവര്ഷത്തിനുള്ളില് പഴയ അന്തര്വാഹിനികള് മാറ്റിസ്ഥാപിക്കാനും അതോടൊപ്പം ആണവ അന്തര്വാഹിനി പദ്ധതികള് നടപ്പിലാക്കാനും നാവികസേന ഒരുങ്ങുകയാണെന്നും യോഗത്തിനു ശേഷം പ്രതിരോധ ഉദ്യോഗസ്ഥര് പറഞ്ഞു.
