കണ്ണൂര്:കോളേജ് വിദ്യാര്ഥിനിയെ ശല്യപ്പെടുത്തിയത് ചോദ്യം ചെയ്ത വിദ്യാര്ത്ഥിക്ക് കുത്തേറ്റു.കുത്തേറ്റ വൈഷ്ണവിനെ എ കെ ജി ആശുപത്രിയില് പ്രവേശിപ്പിച്ചു.എസ്എഫ്ഐ ജില്ലാ സെക്രട്ടറിയേറ്റ് അംഗമാണ് ഇയാള്.
സംഭവത്തില് പൊലീസ് അന്വേഷണം ആരംഭിച്ചു. ഉച്ച കഴിഞ്ഞ് മൂന്നു മണിയോടെയാണ് ആക്രമണം. ബൈക്കിലെത്തിയ സംഘം കോളേജ് വിദ്യാര്ഥിനിയോട് മോശമായി പെരുമാറി.ഇത് വൈഷ്ണവ് ചോദ്യം ചെയ്തു. ഇതോടെ ബൈക്കിലെത്തിയ സംഘം അവിടെ നിന്ന് മടങ്ങി. പിന്നാലെ ബൈക്കില് കൂടുതല് പേര് എത്തി വൈഷ്ണവിനെ ആക്രമിച്ചു. ഇതിനിടെയാണ് കാലിന് കുത്തേറ്റത്.
കത്തിയുടെ ഒരു ഭാഗം കാലിനുള്ളിലേക്ക് തുളച്ചു കയറി. ഇത് പുറത്തെടുക്കാന് ശസ്ത്രക്രിയ വേണമെന്ന് ആശുപത്രി അധികൃതര് അറിയിച്ചു.ആക്രമണത്തിന് പിന്നില് ലഹരി മാഫിയ സംഘമാണെന്നാണ് ആരോപണം.
