കോഴിക്കോട് : രാമനാട്ടുകരയില് പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച സംഭവത്തില് പെണ്കുട്ടിയെ പാര്പ്പിച്ച സ്ഥലത്തെ സിസിടിവി ഹാര്ഡ് ഡിസ്ക് കിണറ്റില് നിന്ന് പൊലിസ് കണ്ടെടുത്തു.ഹാര്ഡ് ഡിസ്ക് ആണ്സുഹൃത്ത് കിണറ്റില് എറിയുകയായിരുന്നു.
ഹാര്ഡ് ഡിസ്ക് ഞായറാഴ്ച സൈബര് സെല്ലിന് മുന്നില് ഹാജരാക്കും. കേസിലെ മുഖ്യപ്രതിയെ ഇനിയും കണ്ടെത്താനായിട്ടില്ല.
പെണ്കുട്ടിയെ ആണ്സുഹൃത്ത് തട്ടിക്കൊണ്ടുപോയി പീഡിപ്പിച്ചു. ഒരു ദിവസം പെണ്കുട്ടിയെ ഒരിടത്ത് കൊണ്ടുവന്ന് പാര്പ്പിച്ചിരുന്നു. സംഭവത്തിന് പിന്നാലെ ഈ ഫ്ളാറ്റിലെത്തി സിസിടിവി ക്യാമറകളുടെ ഹാര്ഡ് ഡിസ്ക് എടുത്ത് സമീപത്തെ കിണറ്റില് ഉപേക്ഷിച്ചു.നേരത്തെ പിടിയിലായഇയാളുടെ സുഹൃത്ത് നല്കിയ മൊഴി പ്രകാരമാണ് കിണറില് പരിശോധന നടത്തിയത്.
ശാരിരീകാസ്വസ്ഥ്യം മൂലം കേസിലെ അതിജീവിതയെ ജുവനൈല് ഹോമില് നിന്ന് മെഡിക്കല് കോളേജിലേക്ക് മാറ്റിയിരുന്നു.
പെണ്കുട്ടി ജോലി ചെയ്തിരുന്ന മാളില് നിന്ന് വിളിച്ചിറക്കി കാറില് കയറ്റി കൊണ്ടുപോവുകയായിരുന്നു. ക്ലോറോഫോം മണപ്പിച്ച് ബോധരഹിതയാക്കി പീഡിപ്പിച്ചു. തുടര്ന്ന് ഒരു ദിവസം ഫ്ളാറ്റില് പാര്പ്പിക്കുകയും തൊട്ടടുത്ത ദിവസം കുട്ടിയെ ആളൊഴിഞ്ഞ പ്രദേശത്ത് ഇറക്കിവിടുകയുമായിരുന്നു.
