തിരുവനന്തപുരം : ക്ഷേമ പെന്ഷന് ഗുണഭോക്താക്കളുടെ വാര്ഷിക മസ്റ്ററിങ്ങിനുള്ള സമയപരിധി നീട്ടി.സെപ്റ്റംബര് 10 വരെയാണ് നീട്ടിയത്.
ഞായറാഴ്ച അവസാനിക്കുന്ന സമയപരിധി നീട്ടണമെന്ന ആവശ്യം കണക്കിലെടുത്താണ് പുതിയ തീരുമാനം. സാമുഹ്യസുരക്ഷ, ക്ഷേമനിധി പെന്ഷന് ഗുണഭോക്താക്കള്ക്ക് സമയപരിധിക്കുള്ളില് അക്ഷയ കേന്ദ്രങ്ങള് വഴി മസ്റ്ററിങ്ങ് നടത്താം.
അതിനിടെ, ഓണം പ്രമാണിച്ച് സര്ക്കാര് ജീവനക്കാര്ക്കും അധ്യാപകര്ക്കും ഒരു ഗഡു ക്ഷാമബത്ത അനുവദിച്ചു. സര്വീസ് പെന്ഷന്കാര്ക്കുള്ള ക്ഷാമാശ്വാസവും ഒരു ഗഡു അനുവദിച്ചു.യുജിസി, എഐസിടിഇ, മെഡിക്കല് സര്വീസസ് ഉള്പ്പെടെയുള്ളവര്ക്കും ഡിഎ, ഡിആര് വര്ധനവിന്റെ ആനുകൂല്യം കിട്ടും.കുടിശിക അടക്കം രണ്ടുമാസത്തെ ക്ഷേമപെന്ഷന്റെ വിതരണം തുടങ്ങി.
