പത്തനംതിട്ട: കനത്ത മഴയുടെ പശ്ചാത്തലത്തില് സംസ്ഥാനത്ത് ഒമ്പത് ഡാമുകളില് ചുവപ്പ് ജാഗ്രത. കക്കി,മൂഴിയാര്, മാട്ടുപ്പെട്ടി, കല്ലാര്കുട്ടി, ഇരട്ടയാര്,ലോവര് പെരിയാര് , ഷോളയാര് , പെരിങ്ങല്കുത്ത്, ബാണാസുര ഡാമുകളിലാണ് ചുവപ്പ് ജാഗ്രത. ഡാമുകളുടെ പരിസരത്ത് താമസിക്കുന്നവര് ജാഗ്രത പാലിക്കണം.
അതേസമയം, അടുത്ത 3 മണിക്കൂറില് പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസറഗോഡ് ജില്ലകളില് ഒറ്റപ്പെട്ടയിടങ്ങളില് ഇടത്തരം മഴയ്ക്ക് സാധ്യത.മണിക്കൂറില് 30 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയുണ്ടെന്നാണ് കാലാവസ്ഥാ നിരീക്ഷണ കേന്ദ്രം അറിയിച്ചത്.
മറ്റ് ജില്ലകളില് ഒറ്റപ്പെട്ടയിടങ്ങളില് നേരിയ മഴയ്ക്കും മണിക്കൂറില് 30 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയുണ്ട്.
