തിരുവനന്തപുരം: കൃത്യനിര്വഹണത്തില് വീഴ്ച വരുത്തിയത് ചോദ്യം ചെയ്ത മേലുദ്യോഗസ്ഥനെ മദ്യലഹരിയില് മര്ദ്ദിച്ച എക്സൈസ് പ്രിവന്റ്റ്റീവ് ഓഫീസര് അറസ്റ്റില്. എക്സൈസ് ഇന്സ്പെക്ടര് സൂര്യനാരായണന്റെ പരാതിയില് വര്ക്കല എക്സൈസ് ഓഫീസിലെ പ്രിവന്റിവ് ഓഫീസര് ജെസീന് ആണ് അറസ്റ്റിലായത്. സംഭവസമയത്ത് മദ്യലഹരിയിലായിരുന്നു ജസീനെന്ന് പൊലീസ് പറഞ്ഞു. എന്നാല് അയാള് വൈദ്യപരിശോധനക്ക് വഴങ്ങിയില്ല. ഇന്സ്പെക്ടര് സൂര്യനാരായണന്റെ ക്യാബിനില് കയറി അസഭ്യംപറയുകയും മര്ദ്ദിക്കുകയുമായിരുന്നുവെന്ന് പരാതിയില് പറയുന്നു. പൊലീസ് സ്ഥലത്തെത്തി ജസീനെ അറസ്റ്റു ചെയ്തു.
