ഇസ്ലാമബാദ് : പാകിസ്ഥാന് പട്ടാളക്കാര് ആക്രമണം ഭയന്ന് പേടിച്ചോടുന്ന വീഡിയോയും ഫോട്ടോകളും വൈറലായി സമൂഹമാധ്യമങ്ങളില് പ്രചരിക്കുകയാണ്. ബലൂച് ആര്മിയുടെ ആസൂത്രിതമായ ആക്രമണത്തില് പിടിച്ചുനില്ക്കാതെയാണ് പാകിസ്ഥാന് ആര്മി ജീവനും കൊണ്ട് പായുന്നത്.
ഇന്ത്യയോട് മുട്ടാന് പാക് പട്ടാളത്തെ ഒരുക്കുന്ന ഫീല്ഡ് മാര്ഷല് അസിം മുനീറിന് തന്നെ അപമാനമായിരിക്കുകയാണ് പാകിസ്ഥാന് സേനയുടെ ഭീരുത്വം തുറന്നുകാട്ടുന്ന ഈ വീഡിയോ. പാകിസ്ഥാന്റെ ഏറ്റവും വലിയ പ്രവിശ്യയായ ബലൂചിസ്ഥന് പാകിസ്ഥാന്റെ തെക്ക് പടിഞ്ഞാറാണ്. ഈ പ്രവിശ്യയെ പാകിസ്ഥാനില് നിന്നും വേറിട്ടുള്ള സ്വതന്ത്രരാജ്യമാക്കി മാറ്റാന് പ്രയത്നിക്കുന്ന ബലൂച് ആര്മിയുടെ ഓര്ക്കാപ്പുറത്തുള്ള ആക്രമണത്തില് പാകിസ്ഥാന് പട്ടാളം ചിതറിപ്പോവുകയായിരുന്നു.
ബലൂചിസ്ഥാനില് സ്ഥാപിച്ചിട്ടുള്ള പാകിസ്ഥാന് ഔട്ട് പോസ്റ്റില് കാവല് നിന്നിരുന്ന പാകിസ്ഥാന് പട്ടാളത്തിന് നേരെയാണ് ബലൂച് ആര്മി ആക്രമണം അഴിച്ചുവിട്ടത്. ഇത് തികച്ചും അപ്രതീക്ഷിതമായിരുന്നു. അതോടെ പിടിച്ചുനില്ക്കാന് സാധിക്കാതെ പാകിസ്ഥാന് പട്ടാളം ചിതറി ഓടുകയായിരുന്നു.
കഴിഞ്ഞ കുറച്ചുനാളുകളായി ബലൂച് ആര്മി പാക് പട്ടാളത്തിന് വലിയ തലവേദന സൃഷ്ടിച്ചുകൊണ്ടിരിക്കുകയാണ്. ബലൂച് പ്രവിശ്യയിലൂടെ കടന്നുപോകുന്ന പാകിസ്ഥാന്റെ എക്സ്പ്രസ് തീവണ്ടികള്ക്ക് നേരെ വലിയ ആക്രമണമാണ് ഇവര് അഴിച്ചുവിടുന്നത്. ക്വെറ്റയില് നിന്നും പെഷവാറിലേക്ക് പോകുന്ന ജാഫര് എക്സ്പ്രസിന് നേരെ മാര്ച്ച് 11ന് നടത്തിയ ബോംബാക്രമണത്തില് നിരവധി യാത്രക്കാര് കൊല്ലപ്പെട്ടിരുന്നു. ബോഗികളും തകര്ന്നിരുന്നു. ഈ ബലൂച് ആര്മിയെ ഒന്നും ചെയ്യാന് പാകിസ്ഥാന് പട്ടാളത്തിന് ഇതുവരെ ഒന്നും കഴിഞ്ഞില്ലെന്നത് പാകിസ്ഥാന് പട്ടാളത്തിന്റെ ദൗര്ബല്യമാണ് തുറന്നുകാട്ടുന്നത്. ബലൂച് ആര്മിയെ പോലും തകര്ക്കാന് കഴിയാത്ത പാകിസ്ഥാന് പട്ടാളമാണോ ഇന്ത്യന് പട്ടാളത്തെ നേരിടാന് വരുന്നത് എന്ന പരിഹാസവും അസിം മുനീറിന് നേരെ ഉയരുന്നുണ്ട്.
